సినీ ఫక్కీలో నేరాలు పెరిగిపోతున్నాయి. ఇదే తరహాలో హర్యానా పోలీసులు వంద కోట్ల బీమా బాగోతాన్ని వెలుగులోకి తెచ్చారు. ఈ బీమా కుంభకోణానికి ఉన్నత పదవుల్లో వున్న అధికారులే ప్రధాన కారణమని హర్యానా పోలీసులు వెల్లడించారు.
వందకోట్ల విలువ చేసే ఈ బీమా అక్రమంలో పోలీసులు, ప్రభుత్వాధికారులు, వైద్యులు ఉన్నారని.. వీరు చేసిన మోసానికి వ్యాధిగ్రస్థుల కుటుంబాలు మోసపోయాయని హర్యానా పోలీసులు వెల్లడించారు.
క్యాన్సర్ బాధితులకు బీమా కల్పిస్తామని.. 8 నుంచి 20 లక్షల వరకు భారీ నగదు గుంజేశారని.. అంతేకాకుండా నకిలీ ప్రమాదాలను సృష్టించి బాధితుల మృతదేహాలను కాకుండా ఇతరుల మృతదేహాలను చూపెట్టి భారీ మోసానికి పాల్పడ్డారు.
ఈ బీమా స్కామ్‌లో ఓ పెద్ద ముఠా ప్రమేయం వుంది. 2017-18 సంవత్సరానికి గాను ఈ ఇన్సూరెన్స్ దందా నడిచిందని పోలీసులు తెలిపారు. వ్యక్తిగత బ్యాంక్ అకౌంట్లు, పాన్ కార్డుల ఆధారంగా ఈ ఇన్సూరెన్స్ బాగోతాన్ని పోలీసులు వెలికితీశారు.
