దేశంలో మహిళలపై లైంగిక దాడులు విపరీతంగా పెరిగిపోతున్నాయి. కేంద్ర, రాష్ట్ర ప్రభుత్వం ఎన్ని కఠిన నిర్ణయాలు తీసుకున్నా… కొందరు కామాంధుల్లో మార్పు రావట్లేదు. ఇటీవలే బీహార్‌ రాష్ట్రంలోని మధుబానీ జిల్లాలో ఓ మహిళపై ఓ వ్యక్తి లైంగిక దాడికి పాల్పడ్డాడు. ఎవరూ లేని సమయం చూసి… ఆ మహిళపై దారుణానికి ఒడిగట్టాడు. దీంతో ఆ మహిళ పోలీసులు ఫిర్యాదు చేసింది. ఆ మహిళ ఫిర్యాదుతో ఆ వ్యక్తిని పోలీసులు అరెస్ట్‌ చేశారు.
అయితే.. తాజాగా ఈ కేసులో బెయిల్ కోసం ఆ నిందితుడు ప్రయత్నించాడు. ఈ సందర్భంగా బీహార్‌‌లోని మధుబానీ జిల్లా కోర్టు సంచలన తీర్పు ఇచ్చింది. లైంగిక దాడికి పాల్పడినందుకు ఆ మహిళ గ్రామంలోని 2000 మంది మహిళల బట్టలు ఉతకాలని వింత తీర్పు ఇచ్చింది. ఇదే ఈ కేసులో అతడికి శిక్ష అని పేర్కొంది. అంతేకాదు ఈ కేసులో ఆ నిందితుడుకి బెయిల్ కూడా మంజూరు చేసింది.