మహిళ సూసైడ్ : చిక్కుల్లో కర్నాటక మాజీ మంత్రి!

తీసుకున్న అప్పు చెల్లించకపోవడంతో ఓ మహిళ ఆత్మహత్య చేసుకుంది. దీంతో కర్నాటకకు చెందిన మాజీ మంత్రి ఒకరు చిక్కుల్లో పడ్డారు. తాజాగా వెలుగులోకి వచ్చిన ఈ వివరాలను పరిశీలిస్తే, 

బెంగళూరులోని చంద్రలేఔట్ పోలీస్‌స్టేషన్‌ పరిధికి చెందిన అంజనా వి.శాంతవేరి అనే మహిళ, మాజీ మంత్రి బాబు రావ్ చించనసూర్‌కు రూ.11.88కోట్లు అప్పుగా ఇచ్చింది. ఈ డబ్బును ఇతరుల దగ్గర నుంచి తీసుకొని ఆమె.. ఆయనకు ఇచ్చారు. ఆ తర్వాత సదరు మంత్రి ఈ అప్పును తిరిగి చెల్లించలేదు. 

దీంతో ఏమీ చేయాలో పాలిపోని అంజనా.. మాజీ మంత్రిపై అంజన కేసు వేసింది. ఈ కేసు విచారణ జరుగుతుండగా.. మరోవైపు అంజనాకు అప్పుల వారి నుంచి ఒత్తిడి అధికమైంది. తమ వద్ద తీసుకున్న రుణాలను చెల్లించాలని వారు ఆమెను డిమాండ్ చేశారు. 

ఓ వైపు తాను ఇచ్చిన డబ్బులు రాకపోవడం, మరోవైపు ఒత్తిళ్లతో భరించలేకపోయిన ఆమె.. ఫ్యాన్‌కు ఆదివారం ఉరేసుకొని ఆత్మహత్య చేసుకుంది. ఆత్మహత్యకు ముందు తన కుమారుడికి ఫోన్ చేసింది. 

ఇక ఈ ఘటనపై చంద్రలేఔట్ పోలీసులు కేసు నమోదు చేసుకొని విచారణ చేపట్టారు. కాగా ఐదుసార్లు ఎమ్మెల్యేగా గెలిచి మంత్రిగా పనిచేసిన బాబూరావ్ స్వస్థలం కలబుర్గి జిల్లాల చించోళి. ఈయన ఇటీవలే బీజేపీ తీర్థం పుచ్చుకున్నారు.