చెత్త కుప్పలో రూ.25 కోట్ల విలువ చేసే డాలర్ కరెన్సీ నోట్లు.. ఎక్కడ?

దేశ ఐటీ రాజధానిగా గుర్తింపు పొందిన బెంగుళూరు నగరంలో చెత్త కుప్పలో ఏకంగా రూ.25 కోట్ల విలువ చేసే డాలర్ కరెన్సీ నోట్లు బయటపడటం స్థానికంగా కలకలం రేగింది. మొత్తం రూ.23 నోట్ల బండిల్స్‌ ఈ చెత్త కుప్పలో కనిపించాయి. సల్మాన్ షేక్ అనే వ్యక్తి నగర శివారులో ఈ నెల ఒకటో తేదీన చెత్త తొలగిస్తుండగా, ఈ నోట్లు కనిపించడంతో ఆయన విస్తుపోయాడు.

ఆ తర్వాత ఈ నోట్లను ఇంటికి తీసుకెళ్లాడు. నవంబరు 5వ తేదీన ఆ మొత్తాన్ని తాను పని చేసే కంపెనీ యజమాని బొప్పాకు అప్పగించాడు. ఆ తర్వాత బొప్పా, స్థానిక సమాజిక కార్యకర్త కలిముల్లాతో కలిసి వెళ్లి బెంగళూరు పోలీసు కమిషనరును కలిసి విషయాన్ని వివరించారు. 

దీంతో, ఆయన కేసు దర్యాప్తు చేయమని హెబ్బల్ పోలీసులను ఆదేశించారు. కాగా, ఈ నోట్లపై రకరకాల రసాయనాలు పూసి ఉన్నట్టు కూడా వెలుగులోకి వచ్చింది. బ్లాక్ డాలర్ స్కామ్‌కు పాల్పడుతున్న ముఠాకు చెందిన వారు ఈ నోట్లను చెత్తలో పడేసి వెళ్లిపోయి ఉంటారని పోలీసులు అనుమానిస్తున్నారు. ఈ డాలర్లు నకిలీవో కాదో తేల్చేందుకు పోలీసులు వీటిని ఆర్బీఐకి పంపారు.