హృదయాన్ని ద్రవింపజేస్తూ.. కన్నీళ్లు తెప్పిస్తున్న వీడియో.. మీరూ చూడండి...

ఎలాంటి పనీపాట లేకుండా అల్లరి చిల్లరిగా తిరుగుతూ, నిత్యం అంతర్జాలంలో మునిగిపోయే నెటిజన్లకు ఈ వీడియో ఓ చెంపపెట్టులాంటిది. లక్షల మందికి స్ఫూర్తి నింపుతూ, మరెంతో మందికి కన్నీళ్లు తెప్పిస్తోందీ వీడియో. ఇంత

ఎలాంటి పనీపాట లేకుండా అల్లరి చిల్లరిగా తిరుగుతూ, నిత్యం అంతర్జాలంలో మునిగిపోయే నెటిజన్లకు ఈ వీడియో ఓ చెంపపెట్టులాంటిది. లక్షల మందికి స్ఫూర్తి నింపుతూ, మరెంతో మందికి కన్నీళ్లు తెప్పిస్తోందీ వీడియో. ఇంతకీ ఆ వీడియో ఏంటన్నదే కదా మీ సందేహం. 

ఇద్దరు చిన్నారులు ఓ పార్కులోని జారుడు బల్లపై ఆడుకుంటున్నారు. అందులో ఏముందని అనుకుంటున్నారా? ఓ చిన్నారి పదే పదే వేగంగా ఎక్కుతూ బల్లపై జారుతూ ఉంటే, మరో పాప చేస్తున్న ప్రయత్నమే అందరిలో లక్ష్య సాధన దిశగా స్ఫూర్తిని రగిలిస్తోంది. 

ఇంతకీ ఆ పాపకు రెండు కాళ్లు, రెండు చేతులూ లేవు. కానీ ఎలాగైనా మెట్లు ఎక్కి జారుడు బల్లపై నుంచి జారాలన్న ప్రయత్నంలో విజయం సాధించింది. పాప ప్రయత్నాన్ని అభినందిస్తున్న ఎందరో సెలబ్రిటీలు ఈ వీడియోను రీట్వీట్ చేస్తున్నారు. 

అలా రీట్వీట్ చేసిన వారిలో టెక్ దిగ్గజం, మహీంద్రా ఎగ్జిక్యూటివ్ చైర్మన్ ఆనంద్ మహీంద్రా కూడా ఉన్నారు. ఈ వీడియోను చూసిన ఆయన ఇలా కామెంట్స్ చేశారు. "హృదయాన్ని ద్రవింపజేసిన వీడియో ఇది. ఇంత ఉద్వేగభరితమైన వీడియోను నేను చూడలేకపోయాను. కానీ దీన్ని చూసిన తర్వాత ప్రపంచంలో ఏ పని కూడా కష్టమైనది కాదని భావిస్తున్నా" అంటూ ట్వీట్ చేశారు. అదిప్పుడు సోషల్ మీడియాలో వైరల్ అయింది. ఆ వీడియోనూ మీరూ చూడండి.