ఢిల్లీ పెయింట్ ఫ్యాక్టరీలో అగ్నిప్రమాదం ... 11 మంది సజీవదహనం

ఢిల్లీ పెయింట్ ఫ్యాక్టరీలో భారీ అగ్నిప్రమాదం జరిగింది. ఈ ప్రమాదంలో 11 మంది ఆహుతయ్యారు. పక్కనే గోడౌన్లకు వ్యాపించిన మంటలు వ్యాపించాయి. ఈ ప్రమాదంలో నలుగురు వ్యక్తులు గాయలయ్యాయి. వీరిలో ఓ కానిస్టేబుల్ కూడా ఉన్నారు. ఢిల్లీ నగర శివారు ప్రాంతంలోని ఓ పెయింట్ ఫ్యాక్టరీలో గురువారం సాయంత్రం మంటలు ఎసిగిపడ్డాయి. కాస్త వ్యవధిలో చుట్టుపక్కల ఉన్న గోడౌన్లకు విస్తరించాయి. ఈ ప్రమాదంలో 11 మంది కార్మికులు సజీవదహనమయ్యారు. ఓ కానిస్టేబుల్ సహా మరో నలుగురికి గాయాలయ్యాయి. మొత్తం 22 ఫైరింజన్లతో సిబ్బంది తీవ్రంగా శ్రమించి మంటలను అదుపు చేశారు. గురువారం రాత్రి వరకు ఏడుగురి మృతదేహాలను గుర్తించగా, శుక్రవారం ఉదయం మరో నాలుగు మృతదేహాలు బయటపడ్డాయని అధికారులు చెప్పారు. 

దీంతో ఈ ప్రమాదంలో మరణించిన వారి సంఖ్య 11 మందికి చేరింది. మంటల్లో కాలిపోవడంతో మృతదేహాలను గుర్తించడం కష్టంగా మారిందని అధికారులు చెబుతున్నారు. ఆలిపూర్‌లోని దయాల్ పూర్ మార్కెట్‌ ఏరియాలో ఉన్న పెయింట్ ఫ్యాక్టరీలో ఈ అగ్ని ప్రమాదం చోటుచేసుకుంది. అయితే, ఈ అగ్నిప్రమాదానికి ముందు ఫ్యాక్టరీలో భారీ పేలుడు శబ్దం వినిపించిందని స్థానికులు చెబుతున్నారు. ఫ్యాక్టరీలో నిల్వ చేసిన వివిధ రసాయనాల వల్ల పేలుడు జరిగి మంటలు ఎగిసిపడి ఉంటాయని పోలీసులు భావిస్తున్నారు. ఈ ప్రమాదంలో కేసు నమోదు చేసుకుని దర్యాప్తు చేస్తున్నాయని, విచారణలో అన్ని వివరాలు తెలుస్తాయని పేర్కొన్నారు.