ఓ ఇంటి ఇల్లాలిగా, ఉద్యోగినిగా రెండు పనులు సమర్థంగా నిర్వహించడం అంత సులువైన విషయం కాదు. కానీ రెండింటా కొన్ని విషయాల్లో పక్కాగా ఉంటేనే ఫర్‌ఫెక్ట్ అనిపించుకోగలుగుతాం. అలాంటివి ఏమున్నాయి అంటారా.. అయితే తెలుసుకుందాం..
ఓ పనిచేసేటప్పుడు వివిధ కోణాలు ఉండడం మంచిదే కానీ ఒకేసారి మూడు పనులు మాత్రం చేయాలనుకోకూడదు. మీరెంత ప్రతిభావంతులైనా సరే.. ఇలా చేయడం వలన ఆ పని నాణ్యత దెబ్బతినడమే కాదు ఆ పనిపై మీకున్న ఆసక్తి యాంత్రికంగా మారే ప్రమాదం ఉంటుందని చెబుతున్నారు. మరీ తప్పనిసరైతే తప్ప అలా ఒకేసారి ఎక్కువ పనులు చేయాలనుకోకూడదు.
అన్నింటికంటే ముందుగా మీరు చేసే పనులపై స్పష్టత అవసరం. ఏ పనైనా పక్కాగా చేయాలంటే అందుకు సంబంధించిన విషయంపై అవగాహన తెచ్చుకోవాలి. అప్పుడే మీకు సమయపాలనపైనా పట్టు వస్తుంది. సమయం వృథా చేసుకోకుండా టక్కున నిర్ణయం తీసుకోగలుగుతారు.
కొందమంది ఉంటారు.. వారి మీద వారికే నమ్మకం.. ఇతరులపై చిన్నచూపు చూస్తుంటారు. మరికొందరు అన్ని పనులు తామే చేయాలనుకుంటారు. దీనివలన శక్తే కాదు, సమయం కాడు వృథా అవుతుంది. అది క్రమంగా ఒత్తిడికి దారిస్తుంది. అందుకే మిమ్మల్ని మీరు సమర్థులని నిరూపించుకుంటే.. మీ ప్రమేయం లేని పనుల్ని ఇతరులతో పంచుకుంటూ అవసరమైన సలహాలు ఇవ్వాలి.