దేశంలో లైంగికదాడులకు మహిళలు ధరించే దుస్తులు కూడా ఒక కారణమేనని వ్యాఖ్యలు పలువురు చేయగా పెద్ద దుమారం రేగిన సంగతి తెలిసిందే. అయితే ఇప్పుడు పాక్ ప్రధాని ఇమ్రాన్ ఖాన్ మరింత ఘాటు వ్యాఖ్యలు చేసి మరో దుమారం రేపారు. ఒక వార్తా సంస్థకు ఇచ్చిన ఇంటర్వ్యూలో ఆయన మాట్లాడుతూ దేశంలో లైంగిక వేధింపుల కేసుల పెరుగుదలకు మహిళల దుస్తులు, వస్త్రధారణే కారణమని వ్యాఖ్యలు చేశాడు.
మహిళలు ధరించే దుస్తుల ప్రభావం పురుషులపై పడుతుందని అది చూస్తూ అలాగే ఉండేందుకు మగవాళ్లు రోబోలు కాదు కదా అని సంచలన వ్యాఖ్యలు చేశాడు. దాంతో ఆయన వ్యాఖ్యలపై పెద్ద దుమారమే రేగుతోంది.
ఒక దేశ ప్రధాని యే ఇలా మాట్లాడడం పై ఆ దేశ ప్రతిపక్ష పార్టీలు, జర్నలిస్టులు, సామాజిక కార్యకర్తలు అభ్యంతరం వ్యక్తం చేస్తున్నారు. సోషల్ మీడియాలో నెటిజన్లు తీవ్ర స్థాయిలో ట్రోల్ చేస్తున్నారు. కాగా.. ఇమ్రాన్ వ్యాఖ్యలను వక్రీకరించారని, తప్పుగా అర్థం చేసుకున్నారని ఆయన డిజిటల్ మీడియా విభాగం ప్రతినిధి డాక్టర్ అర్స్లాన్ ఖలీద్ కప్పిపుచ్చే ప్రయత్నం చేశారు.