శాంతి కోసం ముద్దులు పెట్టుకున్న పోప్ ఫ్రాన్సిస్ - ముస్లిం ఇమామ్

ప్రపంచ క్రైస్తవ మతగురువు పోప్ ఫ్రాన్సిస్, అల్ అజీర్ మసీదు ఇమామ్ షేక్ అహ్మద్‌లు ముద్దులు పెట్టుకున్నారు. వీరిద్దరూ చుంభనం చేయడానికి కారణం లేకపోలేదు. ఈ ముద్దుల వెనుక ఉన్న కథ ఏంటో ఓసారి పరిశీలిద్ధాం.

మూడు రోజుల చారిత్రాత్మక పర్యటన కోసం పోప్ ఫ్రాన్సిస్ యూఏఈలో పర్యటిస్తున్నారు. ఈ పర్యటనలో భాగంగా ఆయన అబుదాబీలో ఉన్న అల్ అజర్ మసీదుకు చెందిన ఇమామ్‌ షేక్ అహ్మద్ అల్ దాయెబ్‌తో సమావేశమయ్యారు. ఈ సందర్భంగా వారిద్దరూ ప్రపంచ శాంతి కోసం ఒప్పంద పత్రాలపై సంతకాలు చేశారు.

ఈ సందర్భంగా వారిద్దరూ ముద్దులు పెట్టుపెట్టుకోవడమే కాకుండా, ఆలింగనం చేసుకున్నారు. అంతర్ మత సమావేశంలో ఈ ఘట్టం చోటుచేసుకుంది. ప్రపంచ శాంతి కోసం పరస్పరం చేతులు కలపాలని ముస్లిం సమాజానికి ఇటీవలే పిలుపునిచ్చిన పోప్ యూఏఈలో పర్యటిస్తున్న విషయం తెల్సిందే. 

మానవాళికి సంబంధించి ప్రపంచ శాంతి కోసం, పరస్పర సహజీవనం కోసం చేసుకున్న ఈ ఒప్పంద పత్రం క్రిస్టియన్లు, ముస్లింల మధ్య చర్చలకు ముఖ్యమైన ముందడుగుగా వాటికన్ అభివర్ణించింది. మత విశ్వాసాలలో స్వేచ్ఛ, సహన సంస్కృతి పెంపుదల, ప్రార్థనా స్థలాల పరిరక్షణ, మైనార్టీలకు పూర్తిస్థాయి పౌరసత్వం వంటివి ఈ ఒప్పందంలోని ముఖ్యాంశాలుగా ఉన్నాయి.