తల్లి ప్రేమకు సాటిలేదు అంటారు. కానీ ఓ తల్లి చేసిన పని చూస్తే ఎవరైనా విస్తుపోక మానరు. మూడేళ్ల బాలికపై ఆ తల్లి పైశాచికంగా ప్రవర్తించింది. బాలికతో పోర్న్ వీడియోలు తీసింది. జననేంద్రియాన్ని కూడా గయపరిచింది. ఈ ఘటన బ్రిటన్‌లో చోటుచేసుకుంది.
ఉగాండాకు చెందిన ఓ మహిళ తన కూతురితో పోర్న్ వీడియోలు తీయడానికి సిద్ధపడింది. పుట్టినప్పటి నుండి బాలికపై అమానుషంగా ప్రవర్తిస్తూ వచ్చింది. చాలా క్రూరంగా హింసించింది. కెమెరాతో చైల్డ్ పోర్నోగ్రఫీ తీసిన ఆమె, బాలిక ఐడెంటిటీ స్పష్టంగా కనిపించడం లేదని ఓ దారుణానికి ఓడిగట్టింది. జననేంద్రియాన్ని కత్తెరతో కత్తిరించింది. తీవ్రంగా గాయపడి బాలికకు రక్తస్రావం అవుతుండటంతో ఆసుపత్రికి తీసుకువెళ్లింది.
వైద్యులు ఏమైందని అడిగితే, కత్తి పడి గాయం అయిందని కాకమ్మ కబుర్లు చెప్పింది. వైద్యులు చికిత్స చేసి అనుమానంతో పోలీసులకు ఫిర్యాదు చేసారు. ఆమెను విచారణ చేయడంతో తానే ఈ గాయం చేసానని అంగీకరించింది. అయితే తాను ఈ పని కావాలని చేయలేదని, గతంలో పాపకి యాక్సిడెంటల్‌గా గాయం అయిందని దానిని మాన్పించడానికే ఈ పని చేశానని మరో కథ అల్లింది.
కానీ అది నిజం కాదని పోలీసులు తేల్చారు. మరో విషయం ఏమిటంటే, ఆ తల్లి ఇలా ప్రవర్తిస్తున్నట్లు బాలిక తండ్రికి తెలియదు. అతను ఆఫీసుకు వెళ్లిన సమయంలో బాలికపై ఈ దురాగతానికి పాల్పడేది. మాతృత్వానికి మచ్చ తీసుకువచ్చిన సదరు మహిళను కోర్టు కఠినంగా శిక్షించింది. 11 యేళ్లు కఠిన కారాగార శిక్ష విధించింది.