అమెరికా, కెనడాలపై హిమ ఖడ్గం... మైనస్‌ 45 డిగ్రీలతో గజగజ

అమెరికా, కెనడా దేశాలు మంచు తుఫానులో కూరుకునిపోయాయి. ఈ దేశాల్లో ఉష్ణోగ్రత మైనస్ 45 డిగ్రీలు నమోదైంది. దీంతో అమెరికా తూర్పు తీరం, కెనడా చలికి గడ్డ కట్టుకుపోయాయి. ఫలితంగా ఈ దేశాల వాసులు గజగజ వణికిపోతున్న

అమెరికా, కెనడా దేశాలు మంచు తుఫానులో కూరుకునిపోయాయి. ఈ దేశాల్లో ఉష్ణోగ్రత మైనస్ 45 డిగ్రీలు నమోదైంది. దీంతో అమెరికా తూర్పు తీరం, కెనడా చలికి గడ్డ కట్టుకుపోయాయి. ఫలితంగా ఈ దేశాల వాసులు గజగజ వణికిపోతున్నారు.

‘బాంబ్‌’ మంచు తుఫాన్‌ తర్వాత ‘ఆర్కిటిక్‌ బ్లాస్ట్‌’తో రికార్డు స్థాయిలో అత్యల్ప ఉష్ణోగ్రతలు నమోదవుతున్నాయి. ఆర్కిటిక్ నుంచి వీస్తున్న ప్రమాదకర చలిగాలులకు ఇరుదేశాలు వణికిపోతున్నాయి. అమెరికాలోని మూడింట రెండు వంతుల రాష్ట్రాల్లో మైనస్ 40 డిగ్రీల సెల్సియస్ ఉష్ణోగ్రతలు నమోదవగా, కెనడాలోని ఉత్తర అంటారియో, క్యూబెక్‌లలో ఉష్ణోగ్రత మైనస్ 50 డిగ్రీల సెల్సియస్‌కు పడిపోయింది. మంచుతుఫాన్ కారణంగా టెక్సాస్ నుంచి విస్కాన్సిన్ వరకు ఇప్పటివరకు 19మంది మృతిచెందారు. 

న్యూయార్క్, దక్షిణ కరోలినా సహా పలు ప్రాంతాల్లో విమానాల రాకపోకల్ని నిలిపివేశారు. 2250 విమానాలు ఆలస్యంగా నడిచాయి. పలు నగరాల్లో విద్యుత్ సరఫరాను అధికారులు పునరుద్ధరించారు. మరోవైపు స్పెయిన్‌లో హిమపాతం కారణంగా వాహనాల్లో చిక్కుకుపోయిన వందలాదిమంది డ్రైవర్లను రక్షించేందుకు ఆర్మీ రంగంలోకి దిగింది.