కేన్స్ కార్పెట్‌పై పూజా హెగ్డేకు చేదు అనుభవం ఎదురైంది. తన బృందంతో సహా భారత్ నుంచి బయల్దేరి కేన్స్ వచ్చిన పూజా హెగ్డే... అనుకోని రీతిలో తన దుస్తులు, ఫ్యాషన్ నగలు, మేకప్ సామాన్లు పోగొట్టుకుంది. ఈ విషయాన్ని పూజానే స్వయంగా వెల్లడించింది.
తాము అన్నీ పోగొట్టుకున్నామని.. ఫ్యాషన్ దుస్తులు, మేకప్ కిట్లు ఏవీ లేకుండా పోయాయని పూజా హెగ్డే తెలిపింది. కేన్స్ లో దిగామో లేదో మాపై బండ పడినట్టు అయింది. బాధపడేందుకు కూడా సమయంలేని పరిస్థితి. వెంటనే కేన్స్ ఫిలిం ఫెస్టివల్‌లో రెడ్ కార్పెట్ వాకింగ్‌కు సిద్ధం కావాల్సి ఉంది.
ఈ పరిణామంతో తనకంటే మా మేనేజర్ ఎక్కువగా ఆందోళనకు గురయ్యారు. తానైతే... జరిగిందేదో జరిగిపోయింది అనుకున్నాను. అయితే తనతో పాటే కొన్ని ఒరిజినల్ నగలను ఉంచుకోవడం ఊరట కలిగించే అంశం. దాంతో కేన్స్ లోనే దుస్తులు తెప్పించుకుని మేనేజ్ చేశాను... అంటూ పూజా హెగ్డే తెలిపింది.
ఈ సందర్భంగా "నా టీమ్ కనీసం భోజనం కూడా చేయలేదు. నేను రెడ్ కార్పెట్ వాకింగ్ పూర్తి చేసేవరకు వాళ్లు పచ్చి మంచినీళ్లు ముట్టలేదు. అన్నీ పోయాయని తెలియగానే వాళ్లు హుటాహుటీన వెళ్లి దుస్తులు, మేకప్ సామాన్లు, కొత్త హెయిర్ ప్రొడక్టులు తీసుకువచ్చి నన్ను సిద్ధం చేశారు. తాను కేన్స్ రెడ్ కార్పెట్‌పై అడుగుపెట్టానంటే అది వాళ్ల వల్లే" అని పూజా హెగ్డే వివరించింది.