ట్యాప్ నీటి కంటే.. ప్యాక్డ్ వాటర్ టేస్టుగా వుందా? (video)
ఇంటి ట్యాప్‌లో వచ్చే నీటికంటే.. ప్యాక్డ్ వాటర్ టేస్టుగా వుందంటూ తెగ తాగేస్తున్నారా? ఇక ఆపండి. లేకుంటే అనారోగ్య సమస్యలు తప్పవని ఆరోగ్య నిపుణులు హెచ్చరిస్తున్నారు. ప్యాక్డ్ వాటర్‌లో టేస్టు కోసం రసాయనాలు
ఇంటి ట్యాప్‌లో వచ్చే నీటికంటే.. ప్యాక్డ్ వాటర్ టేస్టుగా వుందంటూ తెగ తాగేస్తున్నారా? ఇక ఆపండి. లేకుంటే అనారోగ్య సమస్యలు తప్పవని ఆరోగ్య నిపుణులు హెచ్చరిస్తున్నారు. ప్యాక్డ్ వాటర్‌లో టేస్టు కోసం రసాయనాలు కలుపుతున్నారని... ఇవి తీసుకుంటే రోగాలు తప్పవని వారు హెచ్చరిస్తున్నారు.
ప్లాస్టిక్ బాటిళ్లలో అమ్మే నీటిని, క్యాన్లలో భద్రపరిచి అమ్మే నీటిని తీసుకునే వారిలో లివర్ క్యాన్సర్ వచ్చే అవకాశాలున్నాయని.. పురుషుల్లో వీర్య కణాల ఉత్పత్తి తగ్గిపోతుందని అధ్యయనం తేల్చింది.
విటమిన్ ఎన్‌రిచ్డ్ వాటర్ బాటిల్స్‌లో వుండే నీటిని తాగినా ఇదే పరిస్థితి తప్పదని వైద్యులు హెచ్చరిస్తున్నారు. ప్లాస్టిక్ బాటిల్స్, క్యాన్లలో భద్రపరిచే నీటిని సేవించడం ద్వారా వ్యాధి నిరోధక శక్తి తగ్గుతుందని.. ప్లాస్టిక్ బాటిల్స్‌లో వుండే కెమికల్స్ వ్యాధి నిరోధక వ్యవస్థపై ప్రభావం చూపుతాయి. అంతేగాకుండా.. మినరల్ వాటర్‌ను సేవిస్తే.. కిడ్నీలకు దెబ్బేనట. మినరల్ వాటర్‌లోని రసాయనాలు కిడ్నీలో రాళ్లు ఏర్పడేందుకు కారకమవుతాయని వైద్యులు చెప్తున్నారు.
ఇంకా ప్లాస్టిక్ బాటిల్స్‌లో నిల్వ చేసే నీటిలో సూక్ష్మాతి సూక్ష్మమైన ప్లాస్టిక్ రేణువులు ఉన్నాయని ఓ అధ్యయనంలో తేలింది. ఇలాంటి ప్లాస్టిక్ రేణువులున్న నీటిని తాగితే శరీర వాపు, విరేచనాలు, థైరాయిడ్ సమస్యలు లాంటివి తలెత్తుతాయట. ఇలాంటి నీరు ముఖ్యంగా గర్భిణీ స్త్రీలకు చాలా ప్రమాదకరం. ఈ నీటిని గర్భిణులు తాగితే వారికి తక్కువ బరువున్న శిశువులు పుడుతారని వైద్యులు హెచ్చరిస్తున్నారు.