ముందుగా ఒక గిన్నెలో మైదాపిండి, మొక్కజొన్నపిండి, పెప్పర్, ఉప్పు, నీరు పోసి జారుగా కలుపుకోవాలి. ఇప్పుడు పెనంలో నూనె పోసి వేడయ్యాక బ్రెడ్ ముక్కల్ని ఆ పిండిలో ముంచి పెనంపై వేసి సన్నమంటపై వేయించాలి. బ్రెడ్ ముక్కలు రెండువైపులా ఎర్రగా వేగిన తరువాత చిన్న ముక్కలుగా కట్ చేసుకుని పక్కన పెట్టుకోవాలి.
ఇప్పుడు మరో బాణలిలో నూనె పోసి కాగాక వెల్లుల్లి రేకులు, అల్లం పేస్ట్, పచ్చిమిర్చి, ఉల్లిపాయ, క్యాప్సికమ్ ముక్కలు వేసి వేయించాలి. తరువాత సోయాసాస్, వెనిగర్, కారం, అజీనామోటో, ఫుడ్‌కలర్, పంచదార, ఉప్పు వేసి బాగా కలిపి సన్ననిమంటపై ఉడికించాలి. ఇప్పుడు ముందుగా వేయించిన బ్రెడ్ ముక్కల్ని వేసి 10 నిమిషాల పాటు అలానే ఉంచాలి. అంటే.. బ్రెడ్ మంచూరియా రెడీ.