నర్సుపై వైద్యుడు అత్యాచారం చేయబోయాడు. తనపై జరుగుతున్న అఘాయిత్యాన్ని ఎదుర్కొనే క్రమంలో బాధితురాలు పదునైన బ్లేడుతో ఆ వైద్యుడు జననంగాన్ని కోసేసింది. ఈ ఘటన బీహార్ రాష్ట్రంలోని సమస్తిపుర్ జిల్లాలోని ఆర్బిఎస్ ఆరోగ్య కేంద్రంలో జరిగింది.
పూర్తి వివరాలు ఇలా వున్నాయి. వైద్య కేంద్రంలో విధుల్లో వున్న నర్సుపై బుధవారం రాత్రి ఆసుపత్రి అడ్మినిస్ట్రేటర్, వైద్యుడు సంజయ్ పూటుగా మద్యం సేవించి మరో ఇద్దరు వ్యక్తులతో కలిసి నర్సు వద్దకు వచ్చాడు. అనంతరంపై ఆమెపై సామూహిక అత్యాచారం చేసేందుకు ముగ్గురూ ప్రయత్నించారు. దీనితో ధైర్యం తెచ్చుకున్న బాధితురాలు వెంటనే శస్త్రచికిత్సలు చేసే పదునైన బ్లేడును తీసుకుని వైద్యుడి జననంగాన్ని కోసేసింది.
ఈ హఠత్పరిణామంతో అందరూ బెంబేలెత్తిపోయారు. దాంతో అక్కడి నుంచి తప్పించుకున్న బాధితురాలు పోలీసులకు ఫిర్యాదు చేసింది. ఘటనా స్థలానికి చేరుకున్న పోలీసులు ముగ్గురుని అదుపులోకి తీసుకున్నారు. గాయాలపాలైన వైద్యుడిని ఆసుపత్రికి తరలించారు. కాగా తనపై జరుగుతున్న దారుణాన్ని ఎదుర్కొని గుణపాఠం చెప్పిన బాధితురాలిని ప్రశంసించారు.