వరల్డ్ కప్ టోర్నీలో భాగంగా, రెండో సెమీ ఫైనల్ మ్యాచ్ గురువారం మధ్యాహ్నం 3.30 గంటలకు బర్మింగ్‌హామ్ వేదికగా ప్రారంభమైంది. ఈ మ్యాచ్‌లో ఆస్ట్రేలియా - ఇంగ్లండ్ జట్లు తలపడుతుండగా, తొలుత టాస్ గెలిచిన ఆస్ట్రేలియా బ్యాటింగ్ ఎంచుకుంది.
ఈ మ్యాచ్ కోసం ప్రకటించిన ఇంగ్లండ్ జట్టులో పెద్దగా మార్పులు చేయలేదు. అయితే, ఆస్ట్రేలియా జట్టులో గాయపడిన ఉస్మాన్ ఖవాజా స్థానంలో హ్యాండ్స్ కోంబ్‌కు చోటు కల్పించారు. సొంతగడ్డపై జరుగుతున్నందున ఇంగ్లీష్ జట్టు ఈ మ్యాచ్‌ను ప్రతిష్టాత్మకంగా తీసుకుంది.
ఇంగ్లండ్ ఫామ్‌లో ఉన్న తీరు కూడా ఆ జట్టుపై భారీ అంచనాలు కలిగిస్తోంది. ఇక మేజర్ టోర్నమెంట్లలో ఆస్ట్రేలియా ఆటతీరు ఓ మెట్టుపైకి చేరుతుంది. కీలకమైన మ్యాచ్‌ల్లో చిన్న అవకాశం దొరికినా చాలు, ప్రత్యర్థిపై ఒత్తిడి పెంచి ఉక్కిరిబిక్కిరి చేయడంలో ఆస్ట్రేలియా జట్టును మించిన జట్టు మరొకటి లేదని చెప్పొచ్చు.
ఇరు జట్ల వివరాలు...
ఆస్ట్రేలియా : డేవిడ్ వార్నర్, ఆరోమ్ ఫించ్, స్మిత్, హ్యాండ్స్ కోంబ్, మ్యాక్స్‌వెల్, స్టాయిన్స్, క్యారీ, కుమ్మిన్స్, స్ట్రాక్, లిన్, బెహ్రాండెఫ్.