కాంబ్లీ భార్యను తాకరాని చోట తాకాడు.. బ్యాగ్‌తో బాదేసింది.. ఎవరు?
మాజీ క్రికెటర్ వినోద్ కాంబ్లీ భార్య ఆండ్రియా వార్తల్లో నిలిచారు. ఓ మాల్‌లో షాపింగ్‌కు వెళ్లిన తనపట్ల బాలీవుడ్ గాయకుడు అంకిత్ తివారీ తండ్రి రాజేంద్ర తివారీ (59) అభ్యంతరకరంగా ప్రవర్తించాడని.. తాకరాని చో
మాజీ క్రికెటర్ వినోద్ కాంబ్లీ భార్య ఆండ్రియా వార్తల్లో నిలిచారు. ఓ మాల్‌లో షాపింగ్‌కు వెళ్లిన తనపట్ల బాలీవుడ్ గాయకుడు అంకిత్ తివారీ తండ్రి రాజేంద్ర తివారీ (59) అభ్యంతరకరంగా ప్రవర్తించాడని.. తాకరాని చోట పదే పదే తాకాడని ఆండ్రియా ఆరోపించారు. అంతటితో ఆగకుండా రాజేంద్ర తివారీపై ఆండ్రియా దాడి చేసింది. ఈ ఘటన ముంబైలోని ఇనార్బిట్ మాల్‌లో చోటుచేసుకుంది.
వివరాల్లోకి వెళితే.. షాపింగ్ కోసం ముంబైలోని ఇనార్బిట్ మాల్‌కు కాంబ్లీతో పాటు ఆయన సతీమణి ఆండ్రియా వెళ్లారు. ఆ సమయంలో రాజేంద్ర తివారీ ఆమె పట్ల అభ్యంతరకరంగా తాకాడని తెలిసింది. ఒకసారి తనను తగిలితే ఊరుకున్నానని, పదేపదే తాకరాని చోట రాజేంద్ర తివారీ తాకుతుండటాన్ని జీర్ణించుకోలేకపోయానని ఆండ్రియా ఆరోపించింది.
అంతేగాకుండా కాంబ్లీతో పాటు ఆమె తివారీతో వాగ్వివాదానికి దిగింది. ఈ వాగ్వివాదం గొడవకు దారితీసింది. ఈ క్రమంలో ఆండ్రియా తన చేతిలోని బ్యాగ్‌తో రాజేంద్రను బలంగా బాదింది. ఆ సమయంలో రాజేంద్రతో పాటు అంకిత్, అతని సోదరుడు అంకుర్ కూడా అక్కడే ఉన్నారు.
ఈ దృశ్యాలన్నీ అక్కడ అమర్చిన సీసీటీవీ కెమెరాకు చిక్కాయి. ఈ ఘటనపై పోలీసులకు కాంబ్లీ, ఆండ్రియా ఫిర్యాదు చేశారు. రాజేంద్ర తివారీ కూడా కాంబ్లీ దంపతులు తమపై అకారణంగా దాడి చేశారని పోలీసులకు ఫిర్యాదు చేశాడు. ఈ ఘటనపై కేసు నమోదు చేసుకున్న పోలీసులు దర్యాప్తు జరుపుతున్నారు.