Webdunia - Bharat's app for daily news and videos

Install App

ప్రపచం వన్డే కప్ : చెన్నై వేదికగా భారత్ - ఆస్ట్రేలియా సమరం

Webdunia
ఆదివారం, 8 అక్టోబరు 2023 (10:09 IST)
ఐసీసీ వన్డే ప్రపంచ కప్ పోటీల్లో భాగంగా ఆదివారం చెన్నై వేదికగా ఆతిథ్య భారత్ - ఆస్ట్రేలియా జట్ల మధ్య కీలక పోరు జరుగనుంది. ఈ నెల 5వ తేదీన ఈ ప్రపంచ కప్ పోటీలు ప్రారంభమయ్యాయి. ఇప్పటికే మూడు రోజులు గడిచిపోయాయి. ఇప్పటివరకు జరిగిన నాలుగు మ్యాచ్‌లు అభిమానుల్లో అంతగా జోష్ నింపలేక పోయాయి. 
 
దీనికి కాణం టీమిండియా ఇంకా బరిలోకి దిగకపోవడమే. ఇక ఆ సమయం వచ్చేసింది. ఆదివారం నుంచి రోహిత్ సేన తమ మూడో టైటిల్ కోసం వేట ఆరంభించనుంది. సొంత గడ్డపై జరుగుతున్న ఈ టోర్నీలో భారీ అంచనాల మధ్య తొలి మ్యాచ్‌ను ఆస్ట్రేలియాతో ఆడనుంది. చెపాక్ స్టేడియంలో జరిగే ఈ మ్యాచ్ కోసం ఇప్పటికే ఫ్యాన్స్ ఆతృతగా ఎదురు చూస్తున్నారు. 
 
అయితే ఎలాంటి ప్రాక్టీస్ లేకుండానే భారత్ ప్రధాన మ్యాచ్‌ను ఆడబోతోంది. వర్షంతో రెండు వామప్ మ్యాచ్‌లు ఒక్క బంతి కూడా పడకుండానే రద్దయిన విషయం తెలిసిందే. అయితే ఇంతకుముందే ఆస్ట్రేలియాపై మూడు వన్డేల సిరీస్ ను 2-1తో గెలుచుకోవడం సానుకూలాంశం కానుంది. మరోవైపు ఐదుసార్లు విశ్వవిజేతగా నిలిచిన కంగారూలు తమ చివరి ఆరు వన్డేల్లో ఒక్కసారి మాత్రమే గెలిచారు.
 
ఇదిలావుంటే, గిల్ అనారోగ్యం గురించి బీసీసీఐ స్పష్టత ఇవ్వకపోయినా తను ఈ మ్యాచ్ ఆడడం కష్టమే. అతడి స్థానంలో ఓపెనింగ్ చేసేందుకు ఇషాన్ సిద్దంగా ఉన్నాడు. కేఎల్ రాహుల్ మరో ఆప్షన్ కనిపిస్తున్నా కెప్టెన్ రోహిత్‌తో కలిసి కుడి, ఎడమచేతి కాంబినేషన్ వైపే మొగ్గు చూపనున్నారు. వన్ డౌన్‌లో విరాట్ ఆ తర్వాత శ్రేయాస్, రాహుల్ మిడిలార్డర్‌లో జట్టును ఆదుకునే ప్రయత్నం చేయనున్నారు. 
 
ప్రస్తుత జట్టులో చెపాక్‌లో సెంచరీ చేసింది విరాట్ ఒక్కడే కావడం విశేషం. ఫినిషర్‌గా హార్దిక్ ఉపయోగపడనున్నాడు. ఇక చెపాక్ పిచ్ స్వభావానికి అనుగుణంగా తుది జట్టులో ముగ్గురు స్పిన్నర్లను తీసుకోవాలని టీమ్ మేనేజ్‌మెంట్ భావిస్తోంది. 
 
భారత్: రోహిత్ (కెప్టెన్), ఇషాన్, విరాట్, శ్రేయాస్, రాహుల్, హార్టిక్, జడేజా, అశ్విన్, కుల్దీప్, బుమ్రా, సిరాజ్.
 
ఆస్ట్రేలియా: డేవిడ్ వార్నర్, మార్ష్, స్మిత్, లబు షేన్, మార్వెల్, గ్రీన్, అలెక్స్ క్యారీ, కమిన్స్ (కెప్టెన్), స్టార్క్, ఆడమ్ జంపా, హాజెల్‌వుడ్.
 
పిచ్, వాతావరణం
శనివారం సాయంత్రం చెన్నైలో భారీ వర్షం కురిసింది. నేడు కూడా ఆకాశం మేఘావృతంగా ఉండనుంది. అయితే కేవలం పది శాతం మాత్రమే వర్షం కురిసేందుకు అవకాశం ఉండడంతో మ్యాచ్‌కు ఇబ్బందిలేదు. పిచ్ స్పిన్నర్లకు అనుకూలించవచ్చు. 

సంబంధిత వార్తలు

అన్నీ చూడండి

తాజా వార్తలు

NDAతో మా కూటమి 2029 దాటి వెళ్ళబోతోంది.. చంద్రబాబు క్లారిటీ సమాధానం

ఉగ్రవాద నిరోధక ప్యానెల్‌కు పాకిస్థాన్‌కు వైస్ చైర్మన్ పదవా? రాజ్‌నాథ్ సింగ్ సూటి ప్రశ్న

తెలంగాణ ప్రదేశ్ కాంగ్రెస్ కమిటీ ప్రధాన కార్యదర్శిగా అజారుద్దీన్ తనయుడు

NASA: నాసా అధికారిక వెబ్‌సైట్‌లో బగ్‌ను గుర్తించిన 16 ఏళ్ల బాలుడు.. హ్యాట్సాఫ్!

బాలికలకు హాని చేయాలంటేనే భయపడాలి.. తాట తీయండి: చంద్రబాబు

అన్నీ చూడండి

టాలీవుడ్ లేటెస్ట్

Chinmayi: చిన్మయికి గంగై అమరన్ మద్దతు-సార్ ఆలోచించుకోండి.. సీఎం హౌస్ పక్కనే వుంది

మాల్దీవులకు బ్రాండ్ అంబాసిడర్‌గా కత్రినా కైఫ్

Ramya Pasupuleti : బికినీలో ఫిలిప్పీన్ బీచ్ లో రమ్య పసుపులేటి గ్లామర్ టీట్ చేస్తోంది

సయారా నుంచి జుబిన్ పాడిన రొమాంటిక్ ట్రాక్ బర్బాద్ విడుదల

ప్రభుత్వం గుర్తింపు ముందుకు వెళ్లేందుకు తోడ్పడతాయి : నాగ అశ్విన్

తర్వాతి కథనం
Show comments