దుబాయ్ వేదికగా జరుగుతున్న ఆసియా కప్ టోర్నీలో భాగంగా మంగళవారం రాత్రి జరిగిన మరో మ్యాచ్‌లో ఆప్ఘనిస్థాన్ జట్టు వరుసగా రెండో విజయాన్ని సొంతం చేసుకుంది. ప్రత్యర్థి బంగ్లాదేశ్‌తో తలపడిన మ్యాచ్‌లో ఆప్ఘనిస్థాన్ ఆటగాళ్లు ఆల్‌రౌండ్ ప్రదర్శనతో ఆకట్టుకున్నారు. ఫలితంగా ఆ జట్టు విజయభేరీ మోగించి సూపర్-4కు అర్హత సాధించిన తొలి జట్టుగా నిలిచింది.
ఈ టోర్నీ ప్రారంభ మ్యాచ్‌లో శ్రీలంక జట్టును చిత్తు చేసిన ఆప్ఘన్ కుర్రోళ్లు, రెండో మ్యాచ్‌లో బంగ్లాదేశ్‌ను ఓడించారు. తొలుత బ్యాటింగ్ చేపట్టిన బంగ్లాదేశ్ జట్టు 20 ఓవర్లలో 7 వికెట్ల నష్టానికి 127 పరుగులు చేసింది. మొసద్దక్ 48 పరుగులతో టాప్ స్కోరర్‌‌గా నిలిచాడు.
ఆ తర్వాత 128 పరుగుల విజయలక్ష్యంతో బరిలోకి దిగిన ఆప్ఘన్ జట్టు 18.3 ఓవర్లలోనే మూడు వికెట్ల నష్టానికి 131 పరుగులు చేసింది. నజీబుల్లా జద్రాన్ 17 బంతుల్లో ఆరు సిక్సర్లు, ఓ ఫోర్‌తో ఆకాశమే హద్దుగా చెలరేగిపోయి 43 పరుగులు చేసి నాటౌట్‌గా నిలిచాడు. అలాగే, ఇబ్రహీం 42 పరుగులతే రాణించాడు. ఫలితంగా ఏడు వికెట్ల తేడాతో శ్రీలంకు ఓడించంది. మ్యాన్ ఆఫ్ ది ప్లేయర్ మ్యాచ్ అవార్డు ముజీబ్‌కు దక్కింది. ఈ విజయంతో సూపర్-4కు అర్హత సాధించిన తొలి జట్టుగా ఆప్ఘన్ నిలిచింది.