దేశంలోని ప్రతిష్టాత్మక ఐఐటీల్లో ప్రవేశాల కోసం నిర్వహించే ఉమ్మడి ప్రవేశ పరీక్ష (జేఈఈ) అడ్వాన్స్‌డ్ 2022 ప్రవేశ పరీక్షకు సంబంధించి అడ్మిట్ కార్డులు (హాల్ టిక్కెట్లు) ఆన్‌లైన్‌లో అప్‌లోడ్ చేశారు. ఈ మేరకు ఇండియన్ ఇనిస్టిట్యూట్ ఆఫ్ టెక్నాలజీ (ఐఐటీ) బాంబే తన వెబ్‌సైట్‌లో అందుబాటులో ఉంచింది.
ఈ పరీక్షకు దరఖాస్తు చేసుకున్న అభ్యర్థులు https://jeeadv.ac.in అనే వెబ్‌సైట్ నుంచి డౌన్‌లోడ్ చేసుకోవచ్చు. జేఈఈ అడ్వాన్స్‌డ్ పరీక్ష ఈ నెల28వ తేదీన దేశ వ్యాప్తంగా నిర్వహించనున్నారు. ఇందుకోసం అన్ని ఏర్పాట్లు పూర్తి చేశారు.