సత్తా చాటిన రిలయన్స్ జియో... టెలికాం బ్రాండ్లలో టాప్

ప్రముఖ పారిశ్రామికవేత్త ముఖేష్ అంబానీ సారథ్యంలోని టెలికాం సంస్థ రిలయన్స్ జియో మరోమారు సత్తా చాటింది. దేశంలోని టెలికాం బ్రాండ్లలో రిలయన్స్ జియో అగ్రస్థానంలో నిలించింది. భారతీ ఎయిర్‌టెల్, వొడాఫోన్, బీఎస్ఎన్ఎల్ కంటే పరుగులో ముందు వరుసలో నిలిచింది. 

బ్రాండ్ ఇంటెలిజెన్స్, డేటా ఇన్‌సైట్స్ కంపెనీ టీఆర్ఏ.. బ్రాండ్ బలం ఆధారంగా దేశంలోని అత్యంత నమ్మకమైన బ్రాండ్ల ర్యాంకింగ్‌ను తాజాగా వెల్లడించింది. వీటిలో అపారెల్ విభాగంలో అడిదాస్ టాప్‌లో ఉండగా, నైకి, రేమండ్, అలెన్ సోనీ, పీటర్ ఇంగ్లండ్‌లు తర్వాత స్థానాల్లో ఉన్నాయి. 

టెలికాం బ్రాండ్లలో రిలయన్స్ జియో అగ్రస్థానంలో నిలిచింది. ఆ తర్వాత ఎయిర్‌టెల్, వొడాఫోన్, బీఎస్ఎన్‌ఎల్‌లు ఉన్నాయి. కన్జ్యూమర్ ఎలక్ట్రానిక్స్ విభాగంలో ఎల్జీ, సోనీ, సామ్‌సంగ్ టాప్-3 బ్రాండ్లుగా ఉండగా, భిన్న రంగాల్లో వ్యాపార కార్యకలాపాలు సాగించే కంపెనీల్లో ఐటీసీ కంపెనీ అగ్రస్థానంలో ఉండగా, ఆ తర్వాత స్థానాల్లో టాటా, రిలయన్స్‌లు ఉన్నాయి.