మునగాకుతో కషాయంతో ఆ సమస్య రాదు..?

మునగాకు మహిళల ఆరోగ్యానికి చాలా మంచిది. గొంతునొప్పి, దగ్గు, జలుబు వంటి సమస్యలకు దివ్యౌషధంగా పనిచేస్తుంది. మునగాకులో విటమిన్స్, ఐరన్, ఫైబర్, బీటా కెరోటిన్, జింక్ వంటి ఖనిజాలు పుష్కలంగా ఉంటాయి. మరి మునగాకులోని ఆరోగ్య ప్రయోజనాలను తెలుసుకుందాం..

గొంతునొప్పిగా ఉన్నప్పుడు మునగాకులను నీటిలో మరిగించి ఆ నీటిలో కొద్దిగా ఉప్పు, చింతపండు గుజ్జు, పచ్చిమిర్చి వేసి కాసేపు మరిగించి కషాయం రూపంలో తీసుకుంటే గొంతునొప్పి తగ్గుతుంది. కంటిచూపు సమస్యలను నివారించడంలో మునగ గొప్పగా పనిచేస్తుంది. ఎముకలకు బలాన్ని చేకూర్చుతుంది. క్యాన్సర్ వ్యాధితో భాదపడేవారు.. ప్రతిరోజూ మునగాకుతో చేసిన వేపుడు తీసుకుంటే వ్యాధి అదుపులో ఉంటుంది. 

మహిళల రుతు సమస్యలకు.. మునగాకులను పేస్ట్‌లా చేసి అందులో కొద్దిగా చక్కెర, ఉప్పు కలిపి సేవిస్తే మంచి ఉపశమనం లభిస్తుంది. కమలాపండులోని విటమిన్స్ కంటే మునగాకులోని విటమిన్స్ అనారోగ్య సమస్యల నుండి కాపాడుతాయి. మునగాకును తరచుగా ఆహారంలో చేర్చుకుంటే శరీర రోగనిరోధకశక్తి మెరుగుపడుతుందని ఆరోగ్య నిపుణులు సూచిస్తున్నారు. 

మునగాకులోని ఫైబర్ జీరక్రియల నుండి కాపాడుతుంది. మునగచెట్టులో ఏర్పడే కాయలు వాటి విత్తనాలు శరీర కావలసిన పోషక విలువలను అందిస్తాయి. మునగాకుతో మునక్కాయ కూడా ఆరోగ్యానికి ఎంతో సహాయపడుతుంది. శరీర వేడిని తగ్గిస్తుంది. ఆయుర్వేదం ప్రకారం ఇలా చేస్తే.. మంచి ఫలితాలు లభిస్తాయి... మునగాకులను కొద్దిగా నీటిలో ఉడికించి ఆ నీటిని వడగట్టి ఆ ఆకులలో కొద్దిగా కొబ్బరి, ఉప్పు, కారం కలిపి 15 నిమిషాల పాటు వేయించి తీసుకుంటే కంటి ఆరోగ్యానికి చాలా మంచిది.