కుడుములు అంటే అందరికీ చాలా ఇష్టం. కుడుములను మోదకాలుగా వినాయకుడికి సమర్పిస్తూ వుంటాం. అలాంటి కుడుములను బెల్లం, బియ్యం పిండితో తయారు చేస్తుంటాం. వీటిలో కొబ్బరి మనకు ఇష్టమైన పదార్థాలను కలిపి చేస్తుంటాం. అలా బెల్లం కుడుములను పోషకాలతో కూడిన నట్స్ పౌడర్‌తో చేస్తే ఎలా వుంటుందో చూద్దాం.. నట్స్ ఆరోగ్యానికి వ్యాధినిరోధక శక్తిని ఇస్తాయి.
నరాలను బలోపేతం చేస్తాయి. నట్స్‌లో గుండె ఆరోగ్యకరమైన పోషకాలు చాలా పుష్కలంగా ఉన్నాయి. ఫైబర్ శరీరంలో కొలెస్ట్రాల్ స్థాయిలను తగ్గించడంలో సహాయపడుతుంది. గింజలలో తక్కువ సోడియం, అధిక పొటాషియం స్థాయిలు ఆరోగ్యకరమైన రక్తపోటును నిర్వహించడానికి సహాయపడతాయి.
అలాంటి నట్స్‌తో కుడుములను ఎలా చేయోలో చూద్దాం
కావలసిన పదార్థాలు:
నట్స్ పౌడర్- అరకప్పు
కొబ్బరి తురుము - ఒక కప్పు
బియ్యం పిండి - అర కిలో
బెల్లం - అర కిలో
ఉప్పు - చిటికెడు
తయారీ విధానం :
ముందుగా బియ్యం పిండిని ఇడ్లీ పాత్రలో 15 నిమిషాల పాటు ఉడికించుకోవాలి. తర్వాత బెల్లంను పాకం పట్టుకోవాలి. కొబ్బరిని తురుముకోవాలి. యాలకుల పొడిని చేసుకోవాలి. వేయించిన నట్స్‌ను సిద్ధం చేసుకోవాలి. నట్స్‌ను పొడి చేసుకోవాలి. తర్వాత ఉడికించిన బియ్యం పిండిలో చిటికెడు ఉప్పును చేర్చి బాగా కలుపుకోవాలి. ఆపై బెల్లం పాకంను వడకట్టి రుచికి తగినంత చేర్చుకోవాలి. వీటిని బాగా మిక్స్ చేసి అందులో కొబ్బరి తురుము, నట్స్ పౌడర్, యాలకుల పొడి చేర్చి బాగా కుడుముల పిండిలా సిద్ధం చేసుకోవాలి. వాటిని కుడుముల్లా చేసుకుని.. ఇడ్లీ పాత్రలో వుంచి తిరిగి 15 నిమిషాల పాటు ఉడికించుకుంటే కుడుములు రెడీ.