తెలుగు, తమిళం, హిందీ వంటి పలు భాషల్లో నటించి టాప్ హీరోయిన్లుగా ముద్ర వేసుకున్న రంభ.. పెళ్లికి తర్వాత సినిమాలకు దూరమైంది. కానీ టీవీషోలకు న్యాయనిర్ణేతగా వ్యవహరించింది. ఎనిమిదేళ్ళ క్రితం రంభ కెనడాకి చెందిన వ్యాపారవేత్త ఇంతిరన్‌ని వివాహం చేసుకుంది. ఇటీవల బుల్లితెర రియాలిటీ షోలకి న్యాయనిర్ణేతగా వ్యవహరించిన ఆమెకి ఇద్దరు కుమార్తెలు వున్నారు.
ఇటీవల మూడోసారి గర్భం దాల్చిన రంభ... సెప్టెంబర్ 23న టొరాంటోలోని మౌంట్ సినియ్ హాస్పిటల్‌లో మగబిడ్డకి జన్మనిచ్చింది. అయితే ఇప్పటివరకు రంభ కుమారుడి ఫోటోలు బయటకి రాలేదు. అయితే ఇటీవల తన భర్త, కూతుర్లు, కొడుకుతో హాస్పిటల్‌లో తీసుకున్న ఫోటోలు ఇంటర్నెట్‌లో చక్కర్లు కొడుతున్నాయి. ఈ ఫోటోలపై నెటిజన్లు శుభాకాంక్షలు తెలుపుతున్నారు. ఈ ఫోటోలను మీరూ ఓ లుక్కేయండి.