నేషనల్ క్రియేటర్స్ అవార్డుల ప్రదానోత్సవంలో ప్రధాన మంత్రి నరేంద్ర మోదీ ఒక్క పనితో మోదీ అందరి హృదయాలను గెలుచుకున్నారు. ఢిల్లీలోని భారత్ మండపంలో శుక్రవారం జరిగిన నేషనల్ క్రియేటర్స్ అవార్డ్స్ ప్రదానోత్సవం కార్యక్రమంలో విజేతలకు అవార్డులు ప్రదానం చేస్తున్న సమయంలో ఓ మహిళ వేదికపైకి వచ్చి ప్రధాని కాళ్లను మొక్కారు. అది చూసిన మోదీ గాభరాగా వెంటనే ఆ మహిళ కాళ్లకు తనూ నమస్కరించారు.
రాజకీయాల్లో ఇది సామాన్యం. కళా ప్రపంచంలో గురువుల కాళ్లకు నమస్కరించడం సహజం. ఇక తన విషయానికి వస్తే ఎవరైనా తన కాళ్లకు మొక్కితే.. తనకు ఏదోలా ఉంటుందన్నారు. ఇంకా చెప్పాలంటే తనకు అసలు నచ్చదని చెప్పుకొచ్చారు. మోదీ చేసిన ఈ పనిపై ఇప్పుడు నెట్టింట ప్రశంసలు వెల్లువెత్తుతున్నాయి.