మార్చి మొదటి వారంలో ప్రధాని నరేంద్ర మోదీ తెలంగాణలో పర్యటించే అవకాశం ఉంది. ప్రధాని తన రెండు రోజుల పర్యటనలో ఆదిలాబాద్, సంగారెడ్డి జిల్లాల్లో పలు కార్యక్రమాల్లో పాల్గొనే అవకాశం ఉంది. బిజెపి వర్గాల సమాచారం ప్రకారం, ప్రధాని మోదీ మార్చి 4 న ఆదిలాబాద్‌లో పర్యటించనున్నారు. అక్కడ వివిధ అభివృద్ధి కార్యక్రమాలకు హాజరవుతారు.
బహిరంగ సభలో ప్రసంగిస్తారు. ఆదిలాబాద్ పర్యటన అనంతరం ప్రధాని హైదరాబాద్‌కు తిరిగి వచ్చి రాజ్‌భవన్‌లో రాత్రి బస చేస్తారు. మరుసటి రోజు సంగారెడ్డి జిల్లాలో కొన్ని అభివృద్ధి కార్యక్రమాలను ప్రారంభించనున్నారు.
అనంతరం అక్కడ జరిగే బహిరంగ సభలో ప్రధాని ప్రసంగిస్తారు. గత ఏడాది నవంబర్ 30న జరిగిన తెలంగాణ అసెంబ్లీ ఎన్నికల తర్వాత ప్రధాని మోదీ తెలంగాణలో పర్యటించడం ఇదే తొలిసారి.
