సోషల్ మీడియాలో ఐస్‌ బకెట్‌ చాలెంజ్, ప్యాడ్‌మాన్‌ చాలెంజ్‌లు తెగ వైరల్ అయిన సంగతి తెలిసిందే. తాజాగా హమ్‌ ఫిట్‌ హైతో ఇండియా ఫిట్‌ #HumFitTohIndiaFit అనే హ్యాష్ ట్యాగ్ సోషల్ మీడియాలో ట్రెండింగ్ అవుతోంది. ఈ సరికొత్త ఛాలెంజ్‌ను కేంద్ర కీడా శాఖ మంత్రి రాజ్యవర్థన్ సింగ్ తీసుకొచ్చారు. ఈ ఛాలెంజ్‌లో రాజకీయ నాయకులు, యువ హీరోలు, హీరోయిన్లు ఫిట్‌నెస్ సంబంధించిన వీడియోలను పోస్టు చేస్తూ ట్రెండ్ సృష్టిస్తున్నారు.
తాజాగా ప్రధాని నరేంద్ర మోదీ తన వర్కవుట్‌కు సంబంధించిన వీడియోను పోస్ట్ చేసి.. ఇటీవల కర్ణాటక సీఎంగా ప్రమాణ స్వీకారం చేసిన హెచ్‌డీ కుమారస్వామికి చాలెంజ్ విసిరారు కానీ ప్రధాని మోదీ తన ఫిటెనెస్ వర్కవుట్‌కు సంబంధించిన వీడియోను సోషల్ మీడియాలో పోస్ట్ చేయగా.. అందులోని కొన్ని ఫొటోలను స్క్రీన్ షాట్ తీసుకున్న కొందరు నెటిజన్లు మార్పింగ్ చేసి నెట్టింట్ట సెటైర్లు పేలుస్తున్నారు. ప్రస్తుతం ఈ ఫోటోలు వైరల్ అవుతున్నాయి. ఈ ఫోటోలకు లైకులు, షేర్లు వెల్లువెత్తుతున్నాయి.