అదిరిపోయే స్టెప్పులేసిన డిప్యూటీ సీఎం పాముల పుష్పశ్రీవాణి

డిప్యూటీ సీఎం పాముల పుష్పశ్రీవాణి అదిరిపోయే స్టెప్పులేశారు. గిరిజన సంక్షేమ గురుకుల పాఠశాల విద్యార్థులు నృత్యప్రదర్శనతో ఆమె కలిపి నృత్యం చేశారు.  ఈ సందర్భంగా విద్యార్థినులు డిప్యూటీ సీఎంను డ్యాన్స్ చేయాల్సిందిగా పట్టుబట్టారు. డిప్యూటీ సీఎం పుష్పశ్రీవాణి విద్యార్థినులతో కలిసి నృత్యం చేశారు. ఒక పదినిమిషాలపాటు నృత్యం చేసి విద్యార్థుల్లో ఆనందం నింపారు.

పుష్పశ్రీవాణి స్టెప్పులేస్తున్నంత సేపు విద్యార్థులు విజిల్స్ మోత మోగించారు. డిప్యూటీ సీఎంతోపాటు పాడేరు ఎమ్మెల్యే కె.భాగ్యలక్ష్మీ సైతం మంత్రికి తోడుగా కాలు కదిపారు. సంగీతానికి తగ్గట్లుగా స్టెప్పులు వేస్తూ పాముల పుష్పశ్రీవాణి అదరహో అనిపించారు.

విశాఖ, మారిక వలసలో గురుకుల ఇంగ్లీష్ మీడియం పాఠశాలలో ఏర్పాటు చేసిన రాష్ట్ర స్థాయి ఎగ్జిబిషన్‌ను ఆమె ప్రారంభించారు. ఈ సందర్భంగా సాంస్కృతిక నృత్యాలు చేస్తున్న విద్యార్థినులతో పాటు స్టెప్పులేశారు. ఈ సందర్భంగా విద్యార్థులు డిప్యూటీ సీఎంకు కృతజ్ఞతలు తెలియజేశారు. ప్రస్తుతం డిప్యూటీ సీఎం సాంస్కృతిక నృత్యం చేసిన వీడియో నెట్టింట వైరల్ అవుతోంది.