రోజా అందాన్ని ఆ ముఖం చెడగొట్టింది.. యాక్ థూ...(video)

ఏపీ రాజధాని వికేంద్రీకరణ బిల్లుపై శాసన మండలిలో బుధవారం చర్చ జరిగింది. ఈ చర్చ సందర్భంగా పార్టీ అధినేత చంద్రబాబుతో కలిసి హిందూపురం ఎమ్మెల్యే, సినీ నటుడు బాలకృష్ణ కూడా గ్యాలెరీలో కూర్చొన్నారు. అపుడు వైకాపా ఎమ్మెల్యేలు బాలయ్యతో సెల్ఫీలు తీసుకునేందుకు పోటీపడ్డారు. 

ఇలాంటి వారిలో ఒకనాటి హీరోయిన్, వైకాపా ఎమ్మెల్యే ఆర్కే. రోజా కూడా ఉన్నారు. ఈ సెల్ఫీ ఫోటో ఇపుడు వైరల్ అవుతోంది. ఇక ఇదే ఫోటోను తన ట్విట్టర్ ఖాతాలో పోస్ట్ చేసిన వివాదాస్పద దర్శకుడు రాంగోపాల్ వర్మ, తనదైన శైలిలో సెటైర్లు వేశారు.

'వావ్... రోజాగారు ఓ హీరోలా కనిపిస్తున్నారు. ఎవరో పక్కన ఉన్నారుగానీ, నాకు తెలియదు. చూసేందుకు యాక్... అనేలా కనిపిస్తున్నాడు. రోజా అందాన్ని తన ముఖంతో ఆయన చెడగొడుతున్నారు. రోజా దిష్టిబొమ్మేమో' అని అన్నారు. 

ఆపై "అందంగా ఉన్న రోజా పక్కన ఈ చిత్రంలో ఉన్నది ఎవరో ఎవరైనా చెప్పగరా?" అని ప్రశ్నించారు. వర్మ ట్వీట్లు ఇప్పుడు వైరల్ అవుతున్నాయి. వర్మ చేసిన ట్వీట్లపై తెదేపా శ్రేణులతో పాటు.. బాలయ్య అభిమానులు తీవ్ర ఆగ్రహం వ్యక్తం చేస్తున్నారు.