ఆ హీరోతో డేటింగ్ చేస్తా.. ఈ హీరోను పెళ్లి చేసుకుంటా.. సైఫ్ అలీఖాన్ డాటర్

బాలీవుడ్ హీరోయిన్లలో అతి తక్కువ కాలంలో స్టార్‌డమ్ సంపాదించుకున్న యువ హీరోయిన్ సారా అలీఖాన్. ఈమె ప్రముఖ బాలీవుడ్ సీనియర్ స్టార్ సైఫ్ అలీఖాన్. సారాకు తొలి చిత్రం 'కేదార్నాథ్'. ఈ చిత్రం విడుదలకు ముందే ఆమె 'శింబా' చిత్రంలో నటించింది. ప్రస్తుతం ఈ రెండు చిత్రాల ప్రమోషన్‌లో సారా బిజీబిజీగా గడుపుతోంది. 

ఈ నేపథ్యంలో తన డేటింగ్‌, బాయ్‌ఫ్రెండ్, మ్యారేజ్ వంటి విషయాలపై ఈ ముద్దుగుమ్మ ఏమాత్రం తొణకకుండా బెదరకుండా సమాధానాలు చెప్పింది. యువ హీరో కార్తీక్ ఆర్యన్‌తో డేటింగ్ చేస్తానని, కుదిరితే రణ్‌బీర్ కపూర్‌ను పెళ్లి చేసుకుంటానని ఏమాత్రం సిగ్గుపడకుండా వెల్లడించింది. 

ఇదిలావుంటే, ఈ ముద్దుగుమ్మ నటించిన 'కేదార్నాథ్' చిత్రం కేదార్నాథ్ వరద ట్రాజెడీని నేపథ్యంగా చేసుకుని తెరకెక్కించారు. ఈ చిత్రం విడుదలకు సిద్ధమవుతోంది. అయితే, ఈ చిత్రాన్ని విడుదల చేయరాదంటూ హిందుత్వవాదుల నుంచి పెద్దఎత్తున నిరసనలు వ్యక్తమవుతున్నాయి. ఏది ఏమైనా డిసెంబరు ఏడో తేదీన ఎట్టిపరిస్థితుల్లోనూ విడుదల చేస్తామని నిర్మాతలు ప్రకటించారు. 

అలాగే, సారా - రణ్‌బీర్ కపూర్ జంటగా నటించిన చిత్రం శింబా. ఈ చిత్రం టాలీవుడ్ యంగ్ టైగర్ ఎన్టీఆర్ నటించిన టెంపర్‌కు రీమేక్. ఈ చిత్రం డిసెంబరు 7వ తేదీన విడుదలకానుంది. ఇలా మూడు వారాల గ్యాప్‌లో ప్రేక్షకుల ముందుకు రావడానికి సారా సిద్ధమవుతోంది.