కదిలే బొమ్మలు ఎంటర్టైన్మెంట్స్ పతాకంపై స్కంద మిత్ర హీరోగా సత్య కె దర్శకత్వంలో తెరకెక్కిన ఇండిపెండెంట్ ఫిలిం 'విరించి`. ప్రీతి నిగమ్, రవి వర్మ, షఫీ, వేదం నాగయ్య, హరి ప్రియా ముఖ్య పాత్రల్లో నటించారు. ఇప్పటికే విడుదలైన ఫస్ట్ లుక్ తో చిత్రం పై మంచి అంచనాలు ఏర్పడ్డాయి.. సత్య.కే, దామిని, స్కంధమిత్ర కథను అందించగా షేడ్ స్టూడియోస్ యూట్యూబ్ ఛానల్ ఈ చిత్రాన్ని రిలీజ్ చేయనున్నారు. కాగా చిత్రీకరణ పూర్తి చేసుకున్న ఈ ఇండిపెండెంట్ ఫిలిం త్వరలోనే విడుదలకు సిద్ధమవుతుంది. బాజీ కీస్ సంగీతం అందించిన ఈ చిత్రానికి అరవింద్ సుదర్శన్ ఫోటోగ్రఫీ ని అందించాడు. ఈ ఇండిపెండెంట్ చిత్రం యొక్క ట్రైలర్ ను అక్కినేని హీరో సుమంత్ రిలీజ్ చేశారు.
ఈ సందర్భంగా సుమంత్ మాట్లాడుతూ, ఈ సినిమా ట్రైలర్ చాల బాగుంది. దర్శకుడు సత్య ప్రతిభ ఈ ట్రైలర్ తో తెలిసిపోతుంది.. టైటిల్ చాలా వెరైటీగా ఉంది. హీరో స్కంద మిత్ర అద్భుతంగా నటించాడు. ఈ సినిమా తప్పకుండా హిట్ అవ్వాలి.. అందరు ఈ సినిమాని షేడ్ స్టూడియోస్ యూట్యూబ్ ఛానల్ లో చూసి ఆనందించండి అన్నారు.