రాముల‌మ్మ సంచ‌ల‌న కామెంట్స్ ... ఇండ‌స్ట్రీలో హాట్ టాపిక్

రాముల‌మ్మ అని చెప్ప‌గానే ఠ‌క్కున గుర్తుకువ‌చ్చే పేరు లేడీ అమితాబ్ విజ‌య‌శాంతి. నాటి త‌రం అగ్ర‌హీరోలంద‌రితో న‌టించి... అద్భుత‌మైన న‌ట‌ను ప్ర‌ద‌ర్శించి ప్రేక్ష‌కుల హృద‌యాల్లో సుస్థిర స్థానం సంపాదించుకుంది. 13 ఏళ్ల గ్యాప్ త‌ర్వాత రీ ఎంట్రీ ఇస్తున్న విష‌యం తెలిసిందే. సూప‌ర్ స్టార్ మ‌హేష్ బాబు న‌టిస్తున్న "స‌రిలేరు నీకెవ్వ‌రు" సినిమాలో రాములమ్మ కీలక పాత్ర పోషిస్తోంది. ఈ పాత్ర‌ సినిమాకు హైలైట్‌కే అవుతుందని వార్తలు వస్తున్నాయి.

ఇదిలావుంటే, ఇటీవల ఓ మీడియాకి ఇచ్చిన ఇంటర్వ్యూలో రాముల‌మ్మ‌ని ఈ తరం హీరోయిన్లలో ఎవరంటే ఇష్టం..? అని అడిగితే... ఈ రోజుల్లో హీరోయిన్లుల ఏడాదిలో కేవలం రెండు, మూడు సినిమాలకే పరిమతం అవుతున్నారు. మేం హీరోయిన్లుగా ఉన్న సమయంలో ఏడాదికి 15 నుంచి 18 సినిమాల్లో నటించేవాళ్లం. 

ఇప్పుడున్న హీరోయిన్లు పెద్దగా కష్టపడడం లేదు. కేవలం రెండు, మూడు సినిమాలు మాత్రమే చేసి.. అలసిపోకుండా జాగ్రత్తపడుతున్నారు అని విజయశాంతి అన్నారు. ఈ వ్యాఖ్య‌లే టాలీవుడ్ హాట్ టాపిక్ అయ్యాయి. పరోక్షంగా ఈ తరం హీరోయిన్లు వేస్ట్ అని ఆమె చెప్పదలుకున్నారా..?  లేక వేరే ఏదైనా ఉందా..?  ఆమె మాట‌ల వెన‌కున్న మ‌ర్మం ఏంటో..?