ఛాన్సుల కోసం పక్క పంచుకుని ఆపై ఆరోపణలా : నటి పూర్ణ

కెరీర్ ఆరంభంలో అవకాశాల కోసం పక్కపంచుకుని ఆ తర్వాత లైంగిక వేధింపులకు పాల్పడ్డారంటూ ఆరోపణలు చేయడం హాస్యాస్పదంగా ఉందని నటి పూర్ణ అంటోంది. ఇటీవలి కాలంలో బాలీవుడ్, కోలీవుడ్ చిత్ర రంగాలను లైంగిక వేధింపుల ఆరోపణలు ఓ కుదుపు కుదిపిన విషయం తెల్సిందే. 

దీనిపై టాలీవుడ్ నటి పూర్ణ స్పందిస్తూ, లైంగిక దాడి జరిగినా లైంగిక వేధింపులు జరిగినా వెంటనే స్పందించాలి తప్ప ఎప్పుడో జరిగితే ఇప్పుడు స్పందించడం ఏంటని ఆమె ప్రశ్నించారు. అవకాశాలు తగ్గినాక ఫేడ్ ఔట్ అవుతున్న సమయంలో మీటూ అంటూ వ్యాఖ్యలు చేసి పబ్లిసిటీ చేసుకోవడమేనని ఆమె అభిప్రాయపడ్డారు. 

మీటూకు తాను వ్యతిరేకంగా కాదని స్పష్టం చేసింది. కానీ, ఎప్పటి విషయాలనో ఇప్పుడు ప్రస్థావించొద్దని ఆమె హితవు పలికింది. ప్రస్తుతం ఎక్కువ శాతం మంది మీటూ ఆరోపణలు కేవలం పబ్లిసిటీ కోసమే చేస్తున్నారని పూర్ణ ఆరోపించింది. మీటూ ఉద్యమం మొదలైనప్పటి నుండి చనువుగా ఉండే మేల్ ఫ్రెండ్స్, ఇండస్ట్రీలో పరిచయం ఉన్న మేల్ టెక్నీషియన్స్, నటులంతా ఇపుడు తనతో మాట్లాడేందుకే ఆసక్తి చూపడం లేదని పూర్ణ వాపోయింది. తాను చనువు తీసుకుని మాట్లాడాలని ప్రయత్నించినా కూడా వారు మునుపటి తరహాలో ఉండేందుకు భయపడుతున్నారని, మీటూ వల్ల లాభం కంటే నష్టమే ఎక్కువకా జరుగుతోందని వ్యాఖ్యానించింది.