విజయ్ దేవరకొండ తన కింగ్ ఆఫ్ ది హిల్ ఎంటర్టైన్మెంట్ బ్యానర్ పైన నిర్మిస్తున్న చిత్రం మీకు మాత్రమే చెప్తా. ఈ సినిమాలో దర్శకుడు తరుణ్ భాస్కర్ మొదటిసారి లీడ్ రోల్‌లో కనిపించనున్నాడు. ఇటీవల ఫస్ట్ లుక్‌తో ఆకట్టుకున్న ఈ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉన్నట్లు తెలుస్తోంది. అయితే తరుణ్ భాస్కర్ ఇటీవల ఇచ్చిన ఇంటర్వ్యూలో ఒక ఇంట్రెస్టింగ్ విషయాన్నీ చెప్పాడు.
‘నా చిన్న తనంలో మా అమ్మ రాసుకున్న ఒక నోట్‌ని రీసెంట్‌గా నాకు చూపించింది. నేను యాక్టర్ అవ్వాలని ఆమె అందులో రాసుకున్నారు. అనుకోకుండా ఇప్పుడు నేను కథానాయకుడిగా నటిస్తున్నా. బహుశా అందరూ అలా కోరుకోవడం వల్ల నటుడిని అయ్యానేమో.. కానీ నేనైతే డైరెక్షన్ వైపు అడుగులు వేశాను. ఒకవేళ నన్ను జనాలు యాక్టర్‌గా అంగీకరించకపోతే సంతోషంగా నా డైరెక్షన్స్, ఎడిటింగ్‌తో బిజీ అవుతాను’ అని తరుణ్ వివరణ ఇచ్చాడు.