బిగ్ బాస్ నాలుగో సీజన్ ప్రారంభం కానుంది. ఈ షోను అక్కినేని నాగార్జున హోస్ట్ చేయనున్నారు. ఈ సీజన్ ప్రోమోను బుధవారం రోజున స్టార్ మా విడుదల చేసింది. ఇందులో నాగార్జున ఓ వృద్ధుడి వేషంలో కనిపించారు.
నెక్ట్స్ ఏం జరుగుతుందో చూడ్డానికి స్టే ట్యూన్డ్ అంటూ స్టార్ మా ఈ ప్రోమోకి క్యాప్షన్ ఇచ్చింది. ఈ టీజర్‌లో నాగార్జున ఒక దుర్భిణి పెట్టుకొని బిగ్బాస్ హౌస్‌లో ఏం జరుగుతోందో చూడాలనే ఆరాటంలో ప్రేక్షకులు ఉన్నట్టు డిజైన్ చేశారు. ప్రస్తుతం ఈ ప్రోమో సోషల్ మీడియాలో వైరల్ అవుతోంది. అందరూ నాగార్జున లుక్ గురించి చర్చించుకుంటున్నారు.
హైదరాబాదులోని అన్నపూర్ణా స్టూడియోలో వేసిన ప్రత్యేక సెట్స్‌లో ఈ ప్రోమోను చిత్రీకరించారు. కరోనా మహామ్మారి కారణంగా ఈసారి బిగ్బాస్ సీజన్ 4 ఉంటుందా ఉండదా అని అనుమానాలు వ్యక్తం అయిన సంగతి తెల్సిందే.
ఈ సారి బిగ్ బాస్ షో షూటింగ్‌ను ఆగష్టు 29న నాగార్జున పుట్టినరోజున ప్రారంభించాలనే ఆలోచనలో నిర్వాహకులు ఉన్నట్టు తెలుస్తోంది. ఈసారి 70 రోజుల్లో ఈ షో ముగియనుంది. తక్కువ మందితో ఈ షో జరుగనుంది. కంటిస్టెంట్లకు కరోనా టెస్టులు నిర్వహించి తర్వాత పూర్తిగా ఆరోగ్యంగా వున్నారని డాక్టర్లు నిర్ధారించిన తర్వాతే హౌస్‌లోకి పంపించే ఏర్పాట్లు చేస్తున్నారు.