ఇండియాలో స్పైడర్ మ్యాన్ ఫ్యాన్స్‌కు గుడ్ న్యూస్... ఏంటది?

స్పైడర్ మ్యాన్, సూపర్ మ్యాన్, బ్యాట్ మ్యాన్ లాంటి సూపర్‌హీరోలకు పిల్లలలోనే కాదు, పెద్దలలో సైతం హ్యూజ్ ఫ్యాన్ బేస్ ఉంది. స్పైడర్ మ్యాన్ అభిమానులకు ఇప్పుడు ఒక శుభవార్త. టామ్ హాలెండ్ నటించిన స్పైడర్ మ్యాన్: ఫార్ ఫ్రమ్ హోమ్ అనే సినిమా ఒక రోజు ముందుగానే భారత ప్రేక్షకుల ముందుకు రానున్నది. 

ప్రపంచవ్యాప్తంగా ఈ సినిమా జూలై 5న రిలీజ్ అవుతుంటే.. భారత్‌లో మాత్రం ఒకరోజు ముందే అనగా జూలై 4వ తేదీనే విడుదల కాబోతోంది. ట్రేడ్ అనలిస్ట్ తరుణ్ ఆదర్శ్ తన ట్వీట్‌లో స్పైడర్ మ్యాన్: ఫార్ ఫ్రం హోమ్ సినిమా ఒకరోజు ముందుగానే జూలై 4వ తేదీన ప్రేక్షకుల ముందుకు వస్తోంది, ఇందుకోసం జూన్ 30న అడ్వాన్స్ బుకింగ్ మొదలవుతుందని పేర్కొన్నారు.

స్పైడర్ మ్యాన్: ఫార్ ఫ్రమ్ హోమ్ చిత్రం ఇంగ్లీష్, హిందీ, తమిళ్, తెలుగు భాషల్లో తెరకెక్కింది. స్పైడర్ మ్యాన్ సిరీస్‌కు ఇండియాలో విశేష ఆదరణ ఉంది. ఇప్పటికే ఈ సినిమాపై భారీ అంచనాలు నెలకొన్నాయి. 

అందుకే జూలై 4వ తేదీన సినిమాను విడుదల చేయబోతున్నామని సోనీ పిక్చర్స్ ఎంటర్‌టైన్‌మెంట్ ఇండియా ఎండీ వివేక్ కృష్ణానీ వెల్లడించారు. స్పైడర్ మ్యాన్: ఫార్ ఫ్రమ్ హోమ్ చిత్రం అడ్వాన్స్ బుకింగ్ ఆదివారం మొదలుకానుందని తెలిపారు. కెప్టెన్ అమెరికా చిత్రంలో స్పైడర్ మ్యాన్‌గా టామ్ హాలెండ్ నటించారు.