డబ్బు మాత్రమే ముఖ్యం కాదు... అర్జున్ రెడ్డి హీరోయిన్..

టాలీవుడ్‌లో బ్లాక్‌బస్టర్‌గా నిలిచిన "అర్జున్ రెడ్డి" సినిమా విజయ్ దేవరకొండకు ఎంత పేరు తెచ్చిపెట్టిందో, హీరోయిన్ షాలిని పాండేకి కూడా అంత క్రేజ్ సంపాదించి పెట్టింది. ఆ సినిమాలో ఆమె చేసిన ముద్దు సీన్లు ఎంతో న్యాచురల్‌గా ఉంటాయి. సాధారణంగా ముద్దు అనేది ఒక ఎమోషన్‌. కనుక ఆ సీన్లో యాక్ట్ చేసేటప్పుడు కేవలం ఎమోషన్ మాత్రమే కాకుండా ఇష్టం కూడా ఉండాలి. 

అలా చేసినప్పుడే సన్నివేశం సహజంగా అనిపిస్తుంది. ఆ సినిమా తరువాత షాలిని పాండే చిన్న పాత్రలలో కనిపించిందే కానీ పూర్తి స్థాయి నిడివి ఉన్న పాత్రలో నటించలేదు. దాదాపు రెండేళ్ల తర్వాత తాజాగా ‘118’ సినిమాలో హీరోయిన్‌‌గా నటించింది. ఈ సినిమా హిట్ కొట్టిన నేపథ్యంలో ‘అర్జున్‌ రెడ్డి’ తరువాత ఇంత గ్యాప్‌ ఎందుకు తీసుకున్నారని అడగగా ఆవిడ ఇచ్చిన సమాధానం ఆసక్తికరంగా ఉంది.

నాకు కథ, నా పాత్ర నచ్చితేనే ఆ సినిమా చేస్తాను..మహానటి, కథానాయకుడు సినిమాలలో చేసినవి చిన్న పాత్రనే అయినప్పటికీ నాకు మంచి పేరు వచ్చేలా చేసాయి. ‘118’లో కూడా అలాంటి మంచి పాత్రే లభించింది. 

‘అర్జున్‌ రెడ్డి’ తరువాత చాలా కథలు విన్నాను, కానీ నాకు ఏదీ నచ్చకపోవడంతో ఏ సినిమాకు సైన్ చేయలేదు. నాకు డబ్బు మాత్రమే ముఖ్యం కాదు, మానసిక సంతృప్తి కూడా కావాలి. ఒకవేళ డబ్బు కోసమే ఈ రంగంలోకి వచ్చుంటే నేను ప్రతి అవకాశాన్ని అంగీకరించేదాన్నేమో! సినిమాకు కథ ఎంతో బలం. అందుకే కథ నచ్చితే అది పెద్ద సినిమానా? చిన్న సినిమానా? అని చూడకుండా ఒప్పుకుంటానని షాలిని పేర్కొంది.