‘అర్జున్ రెడ్డి’ సినిమా అందించిన విజయంతో క్లాస్, మాస్ ఆడియన్స్ అనే తేడాలేకుండా అందరికీ అభిమాన హీరోగా తయారైపోయిన విజయ్ దేవరకొండ ఆ తర్వాత ‘గీతగోవిందం’, ‘టాక్సీవాలా’ సినిమాలతో అమాంతం క్రేజ్ పెంచేసుకున్నారు. ప్రస్తుతం విజయ్ ‘డియర్ కామ్రేడ్’ సినిమాతో బిజీగా ఉన్న విషయం తెలిసిందే.
అయితే... తాజాగా తమిళ దర్శకుడు ఆనంద్ అన్నామలై దర్శకత్వంలో తెరకెక్కబోయే మరో సినిమాకు విజయ్ సైన్ చేయడం జరిగింది. మైత్రి మూవీ మేకర్స్ బ్యానర్‌పై ప్రొడక్షన్ నెంబర్ 9గా ఈ సినిమా రూపొందనున్నట్లు సమాచారం. తెలుగుతో పాటు తమిళం, మలయాళం, కన్నడ భాషల్లో రూపొందించనున్న ఈ సినిమాకు తాజాగా సినిమాకు ‘హీరో’ అనే టైటిల్‌ని ఖరారు చేసినట్టు చిత్రయూనిట్ వెల్లడించింది.
చిత్రాన్ని ఏప్రిల్ 22 నుంచి సెట్స్‌పైకి తీసుకెళ్లనున్నామని ఈ సందర్భంగా ప్రకటించారు. చిత్రంలో విజయ్ దేవరకొండ సరసన షాలినీ పాండే నటించనుందని టాక్ వినిపిస్తోంది. అయితే, ఇప్పటికే నేచురల్ స్టార్ నాని సినిమాకి గ్యాంగ్ లీడర్ టైటిల్ పెట్టుకున్నందుకే... వాయించేస్తున్న మెగా అభిమానులు ఇక ఈ హీరో టైటిల్‌కి ఏం చెప్పనున్నారో... వేచి చూద్దాం.
