హీరో సంతోష్ శోభన్, డైరెక్టర్ మేర్లపాక గాంధీల లవ్ అండ్ క్రైమ్ ఎంటర్‌టైనర్ 'లైక్ షేర్ & సబ్‌స్క్రైబ్' టీజర్, ఆసక్తికరమైన పోస్టర్‌లతో ట్రెమండస్ బజ్‌ని క్రియేట్ చేసింది. తాజాగా టైటిల్ ట్రాక్ వీడియోతో మ్యూజికల్ జర్నీని ప్రారంభించారు నిర్మాతలు.
లైక్ షేర్ & సబ్స్క్రయిబ్ టైటిల్ ట్రాక్ లో తన వ్లాగ్ కోసం కంటెంట్‌ను సిద్ధం చేయడంలో ఫరియా అబ్దుల్లా బిజీగా వుండగా..సంతోష్ శోభన్ తన ప్రేమను తెలియజేస్తూ కనిపించడం ఆసక్తికరంగా వుంది. ఫరియా తన ఫాలోవర్స్ ని ఛానెల్‌ని లైక్ షేర్ & సబ్‌స్క్రైబ్ చేయమని కోరగా, సంతోష్ తన ప్రేమని అంగీకరించమని కోరడం క్యూరియాసిటీని పెంచింది.
ప్రవీణ్ లక్కరాజు ఫ్రెస్ అండ్ ఫ్లజంట్ ట్యూన్ ని కంపోజ్ చేయగా, స్వీకర్ అగస్తీ తన బ్రిలియంట్ వాయిస్ తో మెస్మరైజ్ చేశారు. ఈ పాటకు శ్రీమణి సాహిత్యం ఆకట్టుకుంది. ఈ పాటలో సంతోష్ శోభన్ తన డ్యాన్స్‌లతో ఆకట్టుకున్నాడు. తన డ్యాన్స్ మూవ్స్ చాలా గ్రేస్ ఫుల్ గా వున్నాయి.
వెంకట్ బోయనపల్లి నిహారిక ఎంటర్‌టైన్‌మెంట్‌తో కలిసి ఆముక్త క్రియేషన్స్ నిర్మిస్తున్న ఈ చిత్రం నవంబర్ 4న థియేటర్లలో విడుదల కానుంది. ఈ చిత్రానికి వసంత్ సినిమాటోగ్రాఫర్ గా, అవినాష్ కొల్లా ప్రొడక్షన్ డిజైనర్ గా పని చేస్తున్నారు.