పవన్‌కు చెక్ పెట్టిన సమంత... ఏం చేసిందో తెలుసా? (Video)

పవర్ స్టార్ పవన్ కల్యాణ్‌కు సమంత అక్కినేని ఊహించని షాక్ ఇచ్చింది. పెళ్లికి తర్వాత సమంత వరుస సినిమాలతో బిజీగా ఉంది. మరోవైపు వెబ్ సిరీస్ కూడా చేస్తుంది. ఈమె ప్రస్తుతం ఢిల్లీలో ది ఫ్యామిలీ మెన్ 2 షూటింగ్‌‌లో బిజీగా ఉంది. దాంతోపాటే 96 రీమేక్‌లోనూ నటిస్తుంది. ఇక పవన్ కల్యాణ్ కూడా పింక్ రీమేక్‌లో నటించడానికి రెడీ అవుతున్నాడు. 

దిల్ రాజు, బోనీ కపూర్ ఈ చిత్రాన్ని సంయుక్తంగా నిర్మించబోతున్నారు. ఈ చిత్ర ప్రీ ప్రొడక్షన్ ప్రస్తుతం వేగంగా జరుగుతున్నాయి. ఈ చిత్రంలో హీరోయిన్‌‌గా సమంత అక్కినేనిని అడిగితే నో చెప్పినట్లు ప్రచారం జరుగుతుంది. ఈమెకు ఇప్పుడు క్రేజీ ఆఫర్లు వస్తున్నా కూడా మునపటి మాదిరి ఒప్పుకోవట్లేదు. కథ విషయంలో చాలా జాగ్రత్తలు తీసుకుంటుంది సమంత. 

ఈ కోవలోనే పవన్ సినిమాను సైతం పక్కనబెట్టిందని తెలుస్తుంది. పింక్ రీమేక్‌‌లో తాప్సీ చేసిన పాత్ర కోసం సమంతను అడిగితే చేయనని చెప్పినట్లు తెలుస్తుంది. గతంలో పవన్ కల్యాణ్‌తో కలిసి అత్తారింటికి దారేది లాంటి ఇండస్ట్రీ హిట్‌లో నటించింది. కానీ మరోసారి నటించే అవకాశం మాత్రం వదిలేసినట్లు వార్తలు వినిపిస్తున్నాయి.