రౌడీ బేబీ పాట అదుర్స్.. 500 మిలియన్ వ్యూస్‌‌తో కొత్త రికార్డు

''ఫిదా'' సినిమాలోని వచ్చిండే.. మెల్లమెల్లగా వచ్చిండే పాటకు అంతా ఫిదా అయిపోయారు. శేఖ‌ర్ మాస్ట‌ర్ కొరియోగ్ర‌ఫీకి తోడు సాయిప‌ల్ల‌వి డాన్సుల‌కు నిజంగానే అంతా ఫిదా అయిపోయారు. 

తాజాగా సాయిపల్లవి పాట మరో సంచలనం సృష్టించింది. ధనుష్, సాయిపల్లవి నటించిన మారి-2లోని రౌడీ బేబీ పాట రికార్డుల మోత మోగిస్తోంది. 

కోలీవుడ్ హీరో ధనుష్, సాయిపల్లవి హీరోహీరోయిన్లుగా వచ్చిన ఈ సినిమా ఫ్లాపైనా ఇందులో ఉన్న రౌడీ బేబీ పాట మాత్రం యూట్యూబ్‌లో దుమ్ముదులుపుతూనే వుంది.

ఈ సినిమాతో సాయిపల్లవికి రౌడీ బేబి అనే స్థిరపడిపోయింది. ఇప్పటివరకు దక్షిణాదిలో ఇన్ని వ్యూస్ దక్కించుకున్న తొలి పాటగా రికార్డులకు ఎక్కింది. తాజాగా ఈ పాట 500 మిలియన్ వ్యూస్‌ను నమోదుచేసుకుంది.