లెక్కల మాస్టారు ఫోక్ సాంగ్ "ఆ గట్టునుంటావా" వీడియో సాంగ్

మెగా పవర్ స్టార్ రామ్ చరణ్ హీరోగా సమంత హీరోయిన్‌గా మ్యాథ్స్ టీచర్ సుకుమార్ దర్శకత్వంలో వచ్చిన చిత్రం "రంగస్థలం". ఈ చిత్రం గత మార్చి నెలాఖరులో విడుదలై బ్లాక్‌బస్టర్ హిట్‌ సాధించింది. పైగా, కలెక్షన్ల వర

మెగా పవర్ స్టార్ రామ్ చరణ్ హీరోగా సమంత హీరోయిన్‌గా మ్యాథ్స్ టీచర్ సుకుమార్ దర్శకత్వంలో వచ్చిన చిత్రం "రంగస్థలం". ఈ చిత్రం గత మార్చి నెలాఖరులో విడుదలై బ్లాక్‌బస్టర్ హిట్‌ సాధించింది. పైగా, కలెక్షన్ల వర్షం కురిపించింది. 1985 కాలం నాటి నేప‌థ్యంలో రూపొందిన ఈ చిత్రం బాక్సాఫీస్‌ని షేక్ చేసింది. ఇప్పటికే రూ.200 కోట్ల వ‌సూళ్ళు సాధించి ఔరా అనిపించింది. ఇంకా విజయవంతంగా ప్రదర్శితమవుతోంది.

ఈ చిత్రంలో చిట్టిబాబుగా రామ్ చ‌ర‌ణ్‌, రామ‌ల‌క్ష్మీగా స‌మంత, రంగమ్మత్తగా అనసూయ అద‌రగొట్ట‌గా జ‌గ‌ప‌తి బాబు, ప్ర‌కాశ్ రాజ్, ఆది పినిశెట్టి ముఖ్య పాత్ర‌లలో కనిపించి అల‌రించారు. ఇటీవ‌ల ఈ చిత్రానికి సంబంధించి వీడియో సాంగ్స్ విడుద‌ల చేస్తూ వ‌స్తున్న మేక‌ర్స్ తాజాగా "ఆ గ‌ట్టునుంటావా" అనే ఫోక్‌ సాంగ్‌ని రిలీజ్ చేశారు. 

ఆడియో ఆల్బ‌మ్‌లో జాన‌ప‌ద క‌ళాకారుడు శివ‌నాగులు గొంతుతో ఈ పాట వినిపించ‌గా, మూవీలో దేవిశ్రీ ప్ర‌సాద్ పాడి వినిపించారు. ఈ పాటకు అద్భుతమైన స్పందన వచ్చిందో ప్ర‌త్యేకంగా చెప్ప‌న‌క్క‌ర్లేదు. మ‌రి తాజాగా విడుద‌లైన ఆ సాంగ్ ఎలా ఉందో ఓసారి మీరూ చూడండి.