సంచలన దర్శకుడు రామ్ గోపాల్ వర్మ.. ఎప్పుడూ ఏదో రకంగా వార్తల్లో ఉంటాడు అనే విషయం తెలిసిందే. రీసెంట్‌గా క్లైమాక్స్ అనే సినిమాను ఓటీటీలో రిలీజ్ చేసి వార్తల్లో నిలిచాడు. టెక్నాలిజీని బాగా వాడుకునే వర్మ లాక్ డౌన్ టైమ్‌లో కూడా షూటింగ్ చేసి సినిమా తీసేసాడు. దటీజ్ వర్మ అనిపించాడు.
ఇదిలా ఉంటే... తన మనసులో ఏది అనిపిస్తే అది చెప్పేసే వర్మ.. బాలయ్య పాడిన పాట గురించి తనదైన స్టైల్లో స్పందించి వార్తల్లో నిలిచాడు. ఇంతకీ విషయం ఏంటంటే... బాలయ్య శివ శంకరీ అంటూ పాట పాడాడు. ఈ పాట విన్న వాళ్లలో చాలా మంది పాత పాటను బాలయ్య పాడి పెద్ద తప్పు చేసారంటూ కామెంట్స్ చేస్తున్నారు.
తొడ కొడుతున్న నటసింహం
ఇక వర్మ కూడా బాలయ్య పాడిన పాట గురించి స్పందించారు. ఇంతకీ ఏమన్నారంటే... ఈ పాట అద్బుతంగా ఉంది. పాట వింటుంటే.... ఘంటసాల, ఎస్పీ బాలు జూనియర్స్‌లా అనిపిస్తున్నారు అని ట్విట్టర్లో కామెంట్ చేసారు. ఆ తర్వాత మళ్లీ ఈ పాట గురించి స్పందిస్తూ... నేనేదో బాలేదు అని చెప్పాను అనుకుంటున్నారు. భగవంతుడి మీద ఒట్టు పాట అద్భుతం అంటూ మరో ట్వీట్ చేసారు వర్మ.
అంతే కాకుండా... బాలయ్య - బోయపాటి మూవీ టీజర్ గురించి స్పందిస్తూ... బాహబలి 1, బాహుబలి 2 మరిచిపోయేలా ఉంది బిబి 3 టీజర్ అంటూ కామెంట్ చేయడం విశేషం.