ఆగ‌లేక‌పోతున్న అఖిల్... ముందే చూపిస్తాన‌న్న పూరి..!

డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్... తెర‌కెక్కించిన లేటెస్ట్ మూవీ "మెహ‌బూబా". ఆకాష్ పూరి హీరోగా రూపొందిన 'మెహ‌బూబా' చిత్రం థియేట్రిక‌ల్ ట్రైల‌ర్‌ను ఇటీవ‌ల రిలీజ్ చేశారు.

డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్... తెర‌కెక్కించిన లేటెస్ట్ మూవీ "మెహ‌బూబా". ఆకాష్ పూరి హీరోగా రూపొందిన 'మెహ‌బూబా' చిత్రం థియేట్రిక‌ల్ ట్రైల‌ర్‌ను ఇటీవ‌ల రిలీజ్ చేశారు. పూరి గ‌త చిత్రాల‌కు పూర్తి భిన్నంగా ఉన్న ఈ ట్రైల‌ర్ విశేషంగా ఆక‌ట్టుకుంటోంది. ఈ ట్రైల‌ర్‌కు ప్రేక్ష‌కులు, సినీ ప్ర‌ముఖుల నుంచి అనూహ్య‌మైన స్పంద‌న రావ‌డంతో సినిమాపై మ‌రింత క్రేజ్ పెరిగింది.

ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది. 

1971 ఇండియా - పాకిస్థాన్ యుద్ధం నేప‌థ్యంలో ఈ సినిమా రూపొందింది. ఈ మూవీ ట్రైల‌ర్ గురించి అఖిల్ ట్విట్ట‌ర్‌లో స్పందిస్తూ... వాట్ ఏ క్రాకింగ్ ట్రైలర్. నాకు బాగా నచ్చింది. సినిమాను ఎప్పుడెప్పుడు చూద్దామా అనిపిస్తోంది. వెయిట్ చేయలేకపోతున్నా. 

విజువల్స్ అదిరిపోయాయ్. మొత్తం టీమ్‌కు ఆల్ ది బెస్ట్ అంటూ ట్వీట్ చేశాడు. అఖిల్ ట్వీట్‌కి పూరి రిప్లై ఇస్తూ... అఖిల్ నీ స్పంద‌న‌కు ప్రేమాభివంద‌నాలు.. రిలీజ్ కంటే ముందే మ‌నం క‌లిసి మోహ‌బూబా చూద్దాం అన్నారు. మే 11వ తేదీన మెహ‌బూబా చిత్రాన్ని రిలీజ్ చేయ‌డానికి ప్లాన్ చేశారు.