పెళ్లికి తర్వాత సమంత భారీ హిట్స్‌ను తన ఖాతాలో వేసుకుంది. అయితే ''జాను'' సినిమా మాత్రం సమంతకు నిరాశనే మిగిల్చింది. తమిళ హిట్ చిత్రం ''96'' ఆధారంగా రూపొందిన ''జాను'' చిత్రం ఇటీవల విడుదలై ఆశించిన విజయాన్ని దక్కించుకోలేకపోయింది. అయినా సమంత ధైర్యంగా ముందడుగు వేసింది. లేడి ఓరియెంటెడ్ పాత్రను ఎంచుకునేందుకు సై అంటోంది.
"గేమ్ ఓవర్'' ఫేమ్ అశ్విన్ శరవణన్ దర్శకత్వంలో రూపుదిద్దుకోనున్న ఈ సినిమాను సోనీ పిక్చర్స్ ప్రతిష్టాత్మకంగా నిర్మించబోతోంది. ఒకేసారి తెలుగు, తమిళ భాషల్లో ఈ చిత్రాన్ని నిర్మించబోతున్నారు. ఇందులో ప్రశాంత్ హీరోగా నటించనున్నారని తెలిసింది. అతనిది ఈ చిత్రంలో కీలక పాత్రే అయినప్పటికీ.. సమంతను మాత్రం డామినేట్ చేసేది కాదని ఫిలిమ్ నగర్ వర్గాల్లో టాక్ వస్తోంది.
కానీ ఈ కథ విన్న ప్రశాంత్ మాత్రం ఈ రోల్‌కు ఇంకా గ్రీన్ సిగ్నల్ ఇవ్వలేదని తెలిసింది. అన్నీ పనులు పూర్తైతే.. వచ్చే నెల నుంచి ఈ సినిమా రెగ్యులర్ షూటింగ్ పనులు ప్రారంభం అవుతాయని వార్తలు వస్తున్నాయి.