డైరెక్ట‌ర్ ప్ర‌శాంత్ వ‌ర్మ రూపొందిస్తోన్న 'జాంబీ రెడ్డి' చిత్రంతో తేజ స‌జ్జా హీరోగా ప‌రిచ‌య‌మ‌వుతున్నారు. ఆనంది, ద‌క్ష హీరోయిన్లుగా న‌టిస్తున్నారు.ఇదివ‌ర‌కు స్టార్ యాక్ట్రెస్ సమంత రిలీజ్ చేసిన 'జాంబీ రెడ్డి' ఫ‌స్ట్ బైట్‌కు ట్రెమండస్‌ రెస్పాన్స్ ల‌భించింది. జ‌న‌వ‌రి 2న 'జాంబీ రెడ్డి' బిగ్ బైట్ విడుద‌ల కానున్న‌ది. పాన్ ఇండియా స్టార్‌గా మారిన రెబ‌ల్ స్టార్ ప్ర‌భాస్ ఈ వీడియోను ఆవిష్క‌రించ‌నున్నారు.
టాలీవుడ్‌కు జాంబీ కాన్సెప్ట్‌ను ప‌రిచ‌యం చేస్తూ మ‌రో హై-కాన్సెప్ట్ ఫిల్మ్‌తో డైరెక్ట‌ర్ ప్ర‌శాంత్ వ‌ర్మ మ‌న ముందుకు వ‌స్తున్నారు. క‌రోనా మ‌హ‌మ్మారి నేప‌థ్యంలో వ‌స్తున్న తొలి చిత్రం 'జాంబీ రెడ్డి' కావ‌డం గ‌మ‌నార్హం.
ఈ చిత్రానికి సంబంధించిన షూటింగ్ మొత్తం పూర్త‌యింది. పోస్ట్ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్న ఈ మూవీని త్వ‌ర‌లో విడుద‌ల చేయ‌డానికి స‌న్నాహాలు చేస్తున్నారు.