మధురమైన గానంతో తెలుగు ప్రేక్షకులను అలరించే సింగర్ సునీత.. డబ్బింగ్ ఆర్టిస్టుగా మంచి గుర్తింపు సంపాదించుకున్నారు. అలాగే సంప్రదాయపు చీరకట్టులో చూడచక్కని రూపంతో ఆకట్టుకుంటున్న సునీతకు ఫ్యాన్ ఫాలోయింగ్ కూడా ఎక్కువే. ఇటీవల మ్యాంగో అధినేత రామ్‌ను రెండో వివాహం చేసుకున్న సంగతి తెలిసిందే. వివాహం అనంతరం సునీత సోషల్ మీడియాలో యాక్టివ్గా ఉంటూ.. తన వ్యక్తిగత విషయాలను అభిమానులతో పంచుకుంటుంటారు.
ఇటీవల తన జీవితంలో ఎదురైన చేదు జ్ఞాపకాల గురించి ప్రస్తావించిన ఆమె.. తాజాగా.. తన ఎనర్జీకి గల సిక్రెట్ గురించి చెప్పేశారు. తాజాగా ఇన్స్టా వేదికగా.. తన ఎనర్జీకి కారణం పాడటం మాత్రమే అంటూ సిక్రెట్ రివీల్ చేశారు.
తన జీవితంలో తగిలిన దెబ్బల కారణంగా మనుషులను పూర్తిగా నమ్మడం మానేశానని సునీత చెప్పుకొచ్చారు. మొదటి పెళ్లి తర్వాత ఎన్నో విషయాలు తెలిసోచ్చాయని.. ఇక ఆ వివాహం బ్రేకప్ అయిన తర్వాత సుమారు 15ఏళ్ల పాటు ఎన్నో కష్టాలను అనుభవించానని తెలిపారు. తనకు పెళ్లి విషయంలో రామ్ నిజాయితీగా అనిపించారని.. కానీ పెళ్లి తర్వాత కొందరు చేసిన కామెంట్స్ బాధ కలిగించాయని వెల్లడించారు. డబ్బు కోసం రామ్‌ను పెళ్లి చేసుకున్నానని నానా మాటలు అన్నారని సునీత తెలిపారు.