వెండితెరకు పరిచయమైన అనతికాలంలోనే పవర్ స్టార్ పవన్ కళ్యాణ్ వంటి స్టార్ హీరోతో కలిసి నటించే అవకాశాన్ని దక్కించుకున్న హీరోయిన్ నిధి అగర్వాల్. అలాగే, తమిళంలోనూ అనేక చిత్రాల ఆఫర్లు చేతిలోవున్నాయి.
అలాంటి నిధి అగర్వాల్కు తాజాగా ఓ సమస్య వచ్చిపడింది. తాను అల్లారుముద్దుగా పెంచుకునే పెంపుడు కుక్క కనిపించకుండా పోయిందని, దాని ఆచూకీ తెలిపిన వారికి అక్షరాలా లక్ష రూపాయల బహుమతి అందజేస్తానని ప్రకటించింది. పైగా, ఆ కుక్క ఫొటోతో పాటు ఆచూకీ తెలిసిన వారు ఫోను చేయాల్సిన నంబ‌రును ఆమె పోస్ట్ చేసింది.
ఆ కుక్క త‌న పెంపుడు కుక్కేనా అన్న విష‌యాన్ని ఆమె తెలప‌లేదు. కుక్క ఆచూకీ చెబితే ఏకంగా లక్ష రూపాయ‌లు ఇస్తామ‌ని ఆమె చేసిన పోస్టు వైర‌ల్ అవుతోంది. పూరీ జ‌గ‌న్నాథ్‌-రామ్ కాంబినేష‌న్‌లో వ‌చ్చిన "ఇస్మార్ట్ శంక‌ర్" సినిమాలో న‌టించి మెప్పించిన నిధి అగర్వాల్కు వ‌రుస‌గా ఆఫర్లు వ‌స్తున్న విషయం తెల్సిందే.
త‌మిళంలో ఆమె న‌టించిన రెండు సినిమలు ఈ ఏడాది జ‌న‌వ‌రిలో విడుద‌ల‌య్యాయి. ప్ర‌స్తుతం ఆమె చేతిలో గల్లా అశోక్ హీరోగా న‌టిస్తోన్న సినిమాతో పాటు, పవన్ కల్యాణ్ న‌టిస్తోన్న "హరి హర వీర మల్లు" సినిమా కూడా ఉంది.