ఎన్టీఆర్ బయోపిక్‌లో హ‌రికృష్ణ క్యారెక్ట‌ర్ గురించి లేటెస్ట్ న్యూస్..!

ఎన్టీఆర్ బ‌యోపిక్ హైద‌రాబాద్‌లో శ‌ర‌వేగంగా షూటింగ్ జ‌రుపుకుంటోంది. బాల‌కృష్ణపై కీల‌క స‌న్నివేశాల‌ను చిత్రీక‌రిస్తున్నారు. ఎన్.బి.కె ఫిల్మ్స్ పైన నంద‌మూరి బాల‌కృష్ణ ఈ చిత్రాన్ని నిర్మిస్తుండ‌డం విశేషం. సీనియర్ ఎన్టీఆర్ చైతన్య రథంపై తన చారిత్రాత్మక ఎన్

ఎన్టీఆర్ బ‌యోపిక్ హైద‌రాబాద్‌లో శ‌ర‌వేగంగా షూటింగ్ జ‌రుపుకుంటోంది. బాల‌కృష్ణపై కీల‌క స‌న్నివేశాల‌ను చిత్రీక‌రిస్తున్నారు. ఎన్.బి.కె ఫిల్మ్స్ పైన నంద‌మూరి బాల‌కృష్ణ ఈ చిత్రాన్ని నిర్మిస్తుండ‌డం విశేషం. సీనియర్ ఎన్టీఆర్ చైతన్య రథంపై తన చారిత్రాత్మక ఎన్నికల ప్రచారాన్ని శ్రీకాకుళంలో ప్రారంభించారు. ఇప్పుడు ఆ స‌న్నివేశాల‌ను శ్రీకాకుళంలోనే షూట్ చేయనున్నారని స‌మాచారం. తన తండ్రి హరికృష్ణ పాత్రలో త‌న‌యుడు నందమూరి కళ్యాణ్ రామ్ న‌టిస్తున్నారు. త్వ‌ర‌లోనే క‌ళ్యాణ్ రామ్ శ్రీకాకుళంలో జరిగే షూట్‌లో పాల్గొననున్నారు.

కళ్యాణ్ రామ్ ఈ చిత్రం కోసం 20 రోజుల పాటు డేట్స్‌ని కేటాయించారు. అయితే ఇటీవలే హరికృష్ణ హఠాన్మరణం తర్వాత, ఎన్టీఆర్ బయోపిక్‌లో ఆయన పాత్రను ఇంకా పెంచాలని, సీనియర్ ఎన్టీఆర్ కోసం, పార్టీ కోసం, ఆయన చేసిన సేవలను ఈ చిత్రంలో చూపించాలని దర్శకనిర్మాతలు భావిస్తోన్నారని తెలిసింది. ఈ ప్ర‌తిష్టాత్మ‌క చిత్రానికి స్వ‌ర‌వాణి కీర‌వాణి సంగీతం అందిస్తున్నారు. ఈ భారీ చిత్రాన్ని సంక్రాంతి కానుక‌గా జ‌న‌వ‌రి 9న రిలీజ్ చేయ‌డానికి ప్లాన్ చేస్తున్నారు.