''బ్యాచిలర్''.. పూజాహెగ్డే కాలితో అఖిల్ చెవిని తాకిస్తూ.. పోస్టర్ అదుర్స్ (video)

Most Eligible Bachelor

'మోస్ట్ ఎలిజిబుల్ బ్యాచ్‌లర్' నుంచి అదిరిపోయే స్టిల్ వచ్చేసింది. అఖిల్‌కు ఈ సినిమా హిట్‌ను ఇస్తుందని ఈ స్టిల్‌ను చూస్తేనే అర్థమైపోతోంది. అక్కినేని అఖిల్, బొమ్మరిల్లు భాస్కర్‌ కాంబినేషన్‌లో 'మోస్ట్ ఎలిజిబుల్ బ్యాచ్‌లర్' రూపుదిద్దుకుంటోన్న సంగతి తెలిసిందే. ఈ సినిమాలో అఖిల్ సరసన పూజా హెగ్డే హీరోయిన్‌గా నటిస్తోంది. 

వీరిద్దరి మధ్య అదిరిపోయే కెమిస్ట్రీ కుదిరింది అనేందుకు ఈ పోస్టరే సాక్ష్యం. వీరి మధ్య రొమాన్స్ సినిమాలోనే హైలెట్‌గా నిలుస్తోందని చిత్రబృందం ఇప్పటికే ప్రకటించింది. ఈ క్రమంలో మా బ్యాచిలర్ అండ్ బ్యాచిలరెట్ క్వారంటైన్ లైఫ్ ఎలా ఎంజాయ్ చేస్తున్నారో చూడండి అంటూ ఒక రొమాంటిక్ పోస్టర్ రిలీజ్ చేసింది చిత్ర యూనిట్.

కాగా ఈ పోస్టర్‌లో మన బ్యాచిలర్ అఖిల్ అక్కినేని సోఫాలో కూర్చొని కాఫీ తాగుతూ లాప్ టాప్ లో ఏదో వర్క్ చేసుకుంటుండగా.. అతని బ్యాక్ సైడ్ కూర్చొని ఉన్న పూజాహెగ్డే తన కాలితో అఖిల్ చెవిని తాకిస్తూ కనిపించింది. దీంతో ఈ సినిమాలో యువతికి నచ్చే రొమాంటిక్ ఎపిసోడ్స్ చాలానే ఉన్నాయని తెలుస్తోంది. అలాగే 2021కి అఖిల్ బ్యాచలర్ సినిమా తెరపైకి రానున్నట్లు పోస్టర్ ద్వారా ప్రకటించారు.  

ఇక ఈ చిత్రానికి గోపీ సుందర్ మ్యూజిక్ డైరెక్టర్‌గా వ్యవహరిస్తున్నారు. ఇప్పటికే ఈ సినిమా నుండి విడుదలైన ఫస్ట్ లుక్ పోస్టర్, ఫస్ట్ లిరికల్ 'మనసా మనసా' అంటూ సిద్ శ్రీరామ్ ఆలపించిన సాంగ్ విశేష ఆదరణ పొందాయి.